Першы і апошні прэзыдэнт СССР стаў тварам новай рэклямнай кампаніі аднаго зь вядомейшых сусьветных брэндаў сумак  - Louis Vuitton. Убачыць першага прэзыдэнта СССР з падарожнай валізай Louis Vuitton можна будзе ў верасьнёвым Vogue.

У той час, як у Беларусі віруе мода на плястыкавыя пакеты, эўрапейскія, амэрыканскія й азіяцкія модніцы з глузду едуць ад жаданьня мець сумку з катэгарычным надпісам «Я не плястыкавы пакет». У сьвеце зараз модна быць экалягічна сьвядомым, а ўсяго за 15 даляраў можна дэманстраваць гэта на кожным кроку. Хаця, баваўняныя сумкі замест плястыку ўжо прасачыліся ў сталіцу – з боку Бабруйска.

Жаночая сумка – таямніца, дзіўнейшая за неапазнаны лятальны аб’ект: ніколі ня ведаеш, што там унутры… І вось, зазірнуўшы, падумалася – навошта нармальнаму чалавеку ўсё гэта?

Безумоўна, кожны чалавек мае сваю – непаўторную й запаведную – мару. Не проста жаданьне мае ці жыцьцёвую мэту – менавіта мару, у зьдзяйсьненьне якой усім навокал верыцца зь цяжкасьцю, але ж сам летуценьнік упэўнены: калі-небудзь ягоная мара стане рэальнасьцю. Хтосьці марыць пра ўсясьветны пацыфізм, хтосьці бачыць у снах экзатычныя берагі Міжземнага мора. А мая мара – гэта Birkin. Мая. Уласная. Непаўторная. Самая Лепшая ў Сьвеце Сумка.