5 дзён да завяршэньня збору заявак на конкурс Басовішча-2007: 24 гурты
Першы этап у падрыхтоўцы да фэстывалю музыкі маладой Беларусі «Басовішча-2007» падыходзіць да завяршэньня. 28 траўня скончваецца збор заявак ад маладых гуртоў на ўдзел у конкурснай частцы Басовішча.
Гурты пазначаныя ў альфабэтным парадку. Па кожнай са спасылак можна пазнаёміцца з гісторыяй і праслухаць трэк адпаведнага гурта. Інфармацыя прадастаўленая самімі гуртамі.
- Абшар
- Акропаль
- Вар'ят
- Восьмыдзень
- Дзяды
- Заточка
- Мясцовыя
- Рокаш
- РоСтра
- Спрат
- Схіл
- Cor-set
- Indra
- Like a Gossamer
- NatureMorte
- PANaNieba
- PunKrot
- Termin X
- The Storm
- Tlusta Lusta
- Urbanlife
- Wanted!
- Weeping Twilight
- ZigZag
Як паведаміў generation.by старшыня БАС Радаслаў Дамброўскі, ужо ў пачатку чэрвеня будзе вядомая праграма сёлетняга фэстывалю ў Гарадку.
У Беларусі ж зараз завяршаецца праца па фармаваньні складу журы адборачнага туру і вядзецца праца па правядзеньні непасрэдна канцэрту «Адборышча-2007», на якім і будуць вызначаныя 9 гуртоў, якія паедуць у Польшчу змагацца за галоўныя прызы Басовішча. У Адборышчы ж прымуць удзел 20 камандаў, якія будуць абраныя сябрамі журы з усяго сьпісу заявак паводле праслухоўваньня дэма-запісаў.
Запісы гуртоў ужо зараз любы ахвочы можа спампаваць для праслухоўваньня з сайту generation.by – інфармацыйнага партнэру фэстывалю Басовішча.