Сёння ў галерэі «Ў» адчынілася выстава Канстанціна Селіханава. Праект «Логасы. Тое, што робіць нашае жыццё камфортным» увабраў у сябе шэраг словаў, каментаў, мэсыджаў, вядомых і невядомых ісцін.

Актуальнае маладое пакаленне Y, якое нарадзілася вакол 90-х, не мае настальгіі па савецкім мінулым, бо сыход з дзяцінства не выклікае такое ж шчымлівае пачуццё, якое з’яўляецца, калі праходзіць маладосць. Для тых жа, хто заканчваў школу ў СССР, усе гэтыя чырвоныя гальштукі нясуць не толькі ідэалогію таталітарнай краіны, а і нешта асабістае. Стваральнікі выставачна-дыскусійнага праекту «Піянерская вытрымка» паставілі сабе амбіцыйную мэту «Стварыць дыскусійную пляцоўку і на прыкладзе тыпавога аб'екта эпохі пераасэнсаваць калектыўнае мінулае, паглыбіць і пашырыць сённяшні вопыт».

Культурнае жыццё не замірае нават на час усеагульных святаў і ў пачатку цыклу пасадкі бульбы. Generation.by наведаў некалькі гарачых менскіх выставаў і зразумеў, што падтрымка маладога пакалення цяпер у трэндзе. Тыя, хто далучыцца да нашага маленькага шляху па менскіх галерэях і музеях, атрымае магчымасць адчуць, куды ідзе і да чаго можа нас усіх прывесці гэта новае пакаленне беларускіх творцаў.

Сапраўдная інтэрвенцыя гуманітарыяў з Літвы адбудзецца ў бліжэйшыя два дні ў Менску. На пляцоўках галерэі «Ў» пройдуць дзясяткі лекцый і прэзентацый, дыскусій і выставаў, прысвечаных тым абласцям, што часам акрэсліваюць як «вольныя мастацтвы».

Знакамітая выстава World Press Photo, якая штогод прадстаўляе лепшыя працы фотажурналістаў свету, праз тры тыдні ўпершыню з’явіцца ў Беларусі. World Press Photo — гэта яшчэ і найвялікшы ў свеце конкурс, перамога ў якім лічыцца адной з галоўных узнагародаў у свеце фотажурналістыкі.

У малой залі галерэі сучаснага мастацтва «Ў» 25 кастрычніка было сапраўды не прапіхнуцца. Маленькі калідор паміж кнігарняй і самой галерэяй ператварыўся ў выставачную пляцоўку. На сценах паўсюль развешаныя дзіўныя калажы афрыканскіх матываў, на стале стаіць віно, ляжаць цукеркі, якія ўцішку цягае маленькая дзяўчынка. Уся гэтая таўканіна ёсць вынікам прэзентацыі чарговага праекту галерэі, які засяроджвае ўвагу гледача на творчасці маладой мастачкі Ганны Бундзелевай.

Галерэя «Ў» за тры гады свайго існавання паспела займець статус аднаго з сімвалаў Менска. Нечага такога, выявы чаго не друкуюць на турыстычных паштоўках, але куды рана ці позна трапляе амаль кожны замежнік, што імкнецца разабрацца ў беларускай культуры. Што да менскай тусоўкі, то аднапавярховы будынак галерэі ў дварах ля Плошчы Перамогі стаў для многіх нечым накшталт другога дому. Гэта яшчэ раз пацвердзіў склад прысутных, што прыйшлі на святкаванне трохгоддзя незалежнай пляцоўкі сучаснага мастацтва ў Менску.

Затрыманне адбылося каля 13:00. Мастак Міхаіл Гулін з трыма асістэнтамі проста ішоў па Кастрычніцкай плошчы ў Менску, трымаючы абстрактныя канструкцыі розных геаметрычных формаў і колераў. Акцыю здымала аператар «Нашай Нівы» Таццяна Гаўрыльчык.

Учора ў галерэі сучаснага мастацтва «Ў» адчынілася выстава «На Захадзе ад Усходу». Выстава ў шасці главах аб’яднала мастакоў з Беларусі, Нямеччыны, Нарвэгіі і Швэцыі. Такім праектам адчыніўся новы сезон у мастацкай галерэі. У нас фотарэпартаж з адкрыцця.

Гэтыя людзі не атрымлівалі мастацкай адукацыі, не былі заўважаныя на адкрыцьцях выставаў, аднак сталі ўдзельнікамі і героямі самага сапраўднага мастацкага праекту. Падбіў іх на гэтую ідэю, аддаў пад іх творы сьцены галерэі «Ў» і запрасіў на фуршэт мастак Раман Аксёнаў. Тым самым пераможца конкурсу маладых мастакоў зрабіў сацыяльны экспэрымэнт.