Сайт Ultra-Music сёння паведаміў, што прыпыняе актыўную дзейнасць.

Сьвята вясны, цюльпанаў ды торцікаў для самых прыгожых ужо ва ўсю карагодзіць. Тым часам першая па выніках мінулага году музычная прэмія акурат раздасьць свае ўзнагароды напрыканцы гэтага тыдня на вялікім канцэрце. Што цікава, там дзяўчаты на сцэну будуць падымацца хіба што дзеля вынасу статуэтак. Пра дзявочы сьлед у беларускай альтэрнатыве мы запыталіся ў заснавальніка сайту Ultra-Music і арганізатара аднайменнай прэміі Славы Радзівонава.

Музычны партал Ultra-Music.com завяршае падвядзеньне вынікаў 2011 года. 20 лютага сканчаецца галасаваньне наведвальнікаў сайта, па выніках якога будуць вызначаныя пераможцы ў шасьці намінацыях Ultra-Music Awards 2011. Ужо стаў вядомы склад удзельнікаў цырымоніі ўзнагароджаньня, якая адбудзецца 11 сакавіка.

1 траўня стартаваў новы праект сайта Ultra-Music — штомесячнае галасаваньне, у якім будуць вызначацца лепшыя беларускія песьні.

Музычны год 2010 працягвае падвядзеньне вынікаў. У паб-клюбе «Графіці» прайшло ўручэньне ўзнагародаў у межах другой прэміі Ultra-Music Awards. Лепшыя песьні і альбомы году ў Беларусі і за мяжою, падзея году і адмысловыя прызы ад рэдакцыі парталу сьвяткаваліся ўчора пад выступы Sang Sattawood, Clover Club і IQ48. І мы там былі, музыкаў віншавалі і фотарэпартаж рабілі.

Штогадовае галасаваньне Ultra-Music Awards, якое вызначае з дапамогай наведвальнікаў сайта Ultra-Music лепшых музыкаў мінулага года, выйшла на фінішную прамую. Да канца галасаваньня застаецца два тыдні, а ўжо 26 лютага адбудзецца цырымонія ўзнагароджаньня пераможцаў у клюбе «Графіці».

Generation.bY працягвае адсочваць беларускія музычныя ўзнагароды па выніках 2009 году. 20 лютага ў менскім клюбе «Графіці» падведзеныя вынікі Ultra-Music Awards, у межах якой адзначаныя беларускія і замежныя выканаўцы, а таксама музычныя падзеі году. The Blackmail, The UNB, Akute, The Toobes, Піт Паўлаў, клюб «Графіці» — усе атрымалі спэцыяльныя прызы ад арганізатараў прэміі. А бясспрэчнай разынкай стаў выступ Юры Дземідовіча зь гітом «Чароўны трусік». Шмат фота зь вечарыны — у рэпартажы Generation.bY.

Сайт Ultra-Music падвёў музычныя вынікі 2009 году. На працягу двух месяцаў наведвальнікі сайта галасавалі за сваіх фаварытаў у пяці намінацыях. А цяпер арганізатары раскрылі і галоўную таямніцу — на ўручэньні ўзнагародаў 20 лютага таксама выступіць пераможца ў намінацыі «Лепшая беларуская песьня году» Юра Дземідовіч.

Сайт Ultra-Music.com падводзіць музычныя вынікі 2009 году і прапануе ўсім жадаючым прыняць актыўны ўдзел у гэтым. Галасаваньне за Ultra-Music Awards’2009 будзе праходзіць у наступных намінацыях: «Гурт году», «Лепшы альбом году», «Лепшая песьня году», «Лепшы беларускі альбом году», «Лепшая беларуская песьня году». Пераможцаў абіраюць прыхільнікі.