Толькі ўвосень у Полацку паставілі помнік студэнту — двухмэтровы сярэдневяковы навучэнец у шапцы, з пяром ды кнігамі. Напэўна, каб «студэнту» ня было сумна, у іншым корпусе ўнівэру «пасадзяць» яму пару — сучасную «студэнтку» з мабільнікам. Ноўтбук падаўся мясцовым банальным атрыбутам.

Сьцяна Цоя будзе адноўленая насупраць КЗ «Мінск» «пасьля наступленьня спрыяльных пагодных умоваў». Вяртаньня сьцяны дамагліся грамадзкія актывісты праз збор подпісаў.

З такой ініцыятывай выступілі Полацкі дзяржаўны ўнівэрсытэт і гарвыканкам. Помнік студэнту плянуюць надзяліць «галоўнымі рысамі студэнтаў усіх часоў: свабодалюбства, адухоўленасьць, незалежнасьць поглядаў».

Менгарвыканкам паведаміў актывістам, якія сабралі каля 1990 подпісаў за аднаўленьне «Сьцяны Цоя», што помнік лідару гурта «Кіно» будзе адноўлены на скрыжаваньні вуліц Беларускай і Ўльянаўскай, непадалёк ад стадыёна «Дынама».

Сьцяна, прысьвечаная Віктару Цою, болей не існуе ў Менску. На тэрыторыі, дзе яна знаходзілася, плянуецца пабудаваць высокі гатэль. Сучасныя маладыя прыхільнікі «Кіно» абмяркоўваюць магчымасьці стварэньня памятнага знаку ў іншым месцы горада і спадзяюцца на прыхільнае стаўленьне ўладаў.

У Менску так і не паставілі помнік бульбе, але наш «другі хлеб» не застанецца без увагі: ў межах Году бульбы ААН праводзіць конкурс фотаздымка і малюнка. Жадаеце ўшанаваць «сымбаль беларусаў» - чытайце ўмовы і ўдзельнічайце ў конкурсе, тым больш што прызы абяцаюць каштоўныя.

Па ініцыятыве краязнаўцы Анатоля Белага створаны памятны знак народнаму пісьменьніку Беларусі Васілю Быкаву. Спадар Белы прапанаваў рэктару БДУ ўсталяваць знак у двары філфака БДУ, аднак яму было адмоўлена.

Год таму сумскія студэнты (Украіна) арганізавалі акцыю пратэсту супраць аб'яднаньня трох мясцовых вышэйшых навучальных установаў. У рэшце прэзыдэнт Украіны Леанід Кучма пад ціскам студэнтаў скасаваў такое рашэньне.

Памятны знак у гонар студэнцкага руху усталяваны у сквэры Т.Г. Шаўчэнка. Менавіта на гэтым месцы год таму стаялі намёты сумскіх студэнтаў.