Людзі туліліся на прыстаўных крэслах, натоўпіліся ў праходах ды сядзелі на падлозе ў дольнай залі Чырвонага касьцёлу. На канцэрце ў падтрымку касьцёлу Сьвятога Язэпа Алег Хаменка прызнаўся ў сваім «рокерстве», а Андрэй Мельнікаў прэзэнтаваў песьню пра падзеі 19 сьнежня.

Нават калі вы ня любіце наведваць мясьціны, зьвязаныя з войнамі, Быстрыца мусіць выклікаць інтарэс толькі з-за колькасьці мэмарыялаў, і, адпаведна, салдацкіх костак, пакінутых тут. Едзем у Быстрыцу на бераг Віліі, дзе крывічы калісьці ўзьвялі «паравоз», у лесе жыў цмок, а ў сярэднявеччы праслаўлялі хрысьціянскага бога загадкавыя манахі-аўгустынцы.

Міхалішкі — самая сапраўдная Віленшчына (да Вільні ўсяго 54 км). Блізасьць сталіцы вызначыла лёс мястэчка: за кароткі час тут насуперак усяму зьявіліся касьцёл, а пасьля і кляштар аўгустынцаў. Пазьней у Міхалішках паўстаў палац і нават уласная ратуша. Ня ўсе гэтыя помнікі захаваліся, але чатырохсотгадовай даўніны гісторыя жыве ў тоўстых міхалішскіх сьценах.

Прадстаўнікі вядучых сацыяльных сетак і сеціўных сэрвісаў распавядуць ватыканскім біскупам аб прамудрасьцях Інтэрнэту на адмысловым чатырохдзённым трэнінгу, арганізаваным пасьля сэрыі правалаў кіраўніцтва каталіцкай царквы на онлайн-фронце.

Вёскі Гервяты і Рымдзюны — літоўскія анклявы ў Беларусі. У Рымдзюнах ёсьць літоўская школа, а ў Гервятах імша ў касьцёле праходзіць па-літоўску. Але гэты факт не перашкаджае мясцовым бабулькам па выхадзе зь касьцёлу пераходзіць на беларускую, а вяскоўцам ганарыцца адным з самых прыгожых касьцёлаў Беларусі. ПраДарожжа ў эдэмскія сады Гервятаў.

Польскі каталіцкі сьвятар напісаў і апублікаваў кнігу з багаслоўскімі і практычнымі парадамі пра тое, як палепшыць шлюбным парам сэксуальнае жыцьцё. Кніга ўжо стала гітом у Польшчы.

Яшчэ адзін скандал разгарэўся па сьлядох заяваў папы Бэнэдыкта XVI аб шкодзе прэзэрватываў. Пантыфіка ўжо чакаюць на ватыканскай пошце скрыні сродкаў кантрацэпцыі, якія дасылаюць у Ватыкан удзельнікі адмысловай групы ў сетцы Facebook.