Уральскі федэральны універсітэт будзе рыхтаваць спецыялістаў для АЭС, якая будуецца цяпер у Беларусі. Навучанне запланаванае па сумесных праграмах з БНТУ і БДУІР.

На будоўлю беларускай атамнай электрастанцыі накіроўваюць студэнтаў з Віцебска.

Расейскія будаўнікі, якія пачалі ўзводзіць Астравецкую АЭС, прывезлі з сабой не толькі чарцяжы ды будаўнічыя матэрыялы, але і парадкі: на будоўлю вырашылі накіраваць студэнтаў з Расеі і Беларусі. Студэнты не супраць.

«Мы будзем пратэставаць у любым разе. Мы ж максімалісты». Праз два дні ў Літве пройдзе рэферэндум аб будаўніцтве АЭС каля самай мяжы з Беларуссю. Мясцовыя піяр-агенцыі асвоілі $1.5 млн на паляпшэнне іміджу станцыі ў вачах літоўцаў, аднак большасць усё адно выступае супраць. Generation.by паразмаўляў з літоўскімі актывістамі супрацьядзернага руху пра 5 АЭС, якія запланавана пабудаваць у нашым рэгіёне ў бліжэйшы час.

У Нідэрляндах выйшла кніга Франкі Хумэлc «De Generatorgeneratie», што можна прыкладна перакласьці як «Пакаленьне рэактару». Кніжка пра нас з вамі: маладых беларусаў, якія нарадзіліся й сталі дарослым ў цені Чарнобылю. Мы зьвярнуліся да аўтаркі кнігі з пытаньнем, як гэта — быць замежнікам, што піша кнігу пра Беларусь.

Калісьці Варняны слылі як адна з найпрыгажэйшых сядзібаў Віленскага краю. Даўні палац сышоў у нябыт, але незвычайны, пабудаваны па агульным грандыёзным пляне гандлёвы і рамесны цэнтар мястэчка захаваўся з 18 ст. Едзем у Варняны спазнаваць сакрэты старажытнага роду Абрамовічаў, сярод якіх вадзіліся і кавалеры «Ганаровага Легіёну», і літаратары, а папярэднічалі ім змоўшчыкі і фальшываманэтчыкі.

Рашэньне аб будаўніцтве беларускай атамнай электрастанцыі ў Астраўцы ў Гарадзенскай вобласьці прынятае канчаткова, заявіў прэзыдэнт Беларусі Аляксандр Лукашэнка на прэс-канфэрэнцыі ў сераду ў Менску.

Амаль стагодзьдзе таму, 28 сьнежня 1908 году, жыхары Тракенікаў прачнуліся ў дзьве гадзіны ночы ад адчуваньняў, якіх, напэўна, ня мелі ні да, ні пасьля таго. Іх разбудзіў сямібальны землятрус. Так, у раўніннай Беларусі, зь яе камічнай «гарой» Дзяржынскай, зь яе поўнай «антысэйсьмічнасьцю» адбыўся землятрус. Самы, напэўна, моцны за яе вывучаную гісторыю. І здарылася гэта ў сямі кілямэтрах ад таго месца, дзе хутчэй за ўсё паўстане першая беларуская АЭС.

Вёскі Гервяты і Рымдзюны — літоўскія анклявы ў Беларусі. У Рымдзюнах ёсьць літоўская школа, а ў Гервятах імша ў касьцёле праходзіць па-літоўску. Але гэты факт не перашкаджае мясцовым бабулькам па выхадзе зь касьцёлу пераходзіць на беларускую, а вяскоўцам ганарыцца адным з самых прыгожых касьцёлаў Беларусі. ПраДарожжа ў эдэмскія сады Гервятаў.

На вандроўку, якую цяпер распачынаем, нават двух дзён можа не хапіць. Бо кожнае месца тут асаблівае, таемнае, схаванае. Упарта ўгледзецца ў кожны закуток Астравеччыны варта яшчэ і таму, што ўжо празь некалькі год гэтыя землі можа беззваротна зьмяніць будаўніцтва АЭС і наступствы яе працы. Едзем на Астравеччыну. Магчыма, у апошні раз…