Exist M — метал-гурт з жаночым гроўлам ад кволай вакалісткі асабліва ўражвае сваімі жывымі выступамі, таму дэбютны кліп каманды чакалі многія. 

Фронтвумен брутальнага гурта Exist M марыла стаць адвакатам, бо ў кіно паказвалі, як яны змагаюцца са злом. Аднак, трапіўшы на практыку ў беларускі суд у гарачы сакавік 2006-га, была, «мякка, кажучы расчараваная». Цяпер гэта мілая дзяўчына ўдзень працуе юрыстконсультам, а ўвечары спявае гроўлам у метал-гурце, які днямі выпусціў дэбютны альбом пра Волю, Боршч і Pigs' Revolution. Наста Паламар у серыі «Кім я стану, калі вырасту» распавядае, чаму не хоча спяваць па-руску, як марыла вяршыць справядлівасць, і чаму цяжка не распусціць рукі ў краіне, дзе «ўсё па панятках».