Exist M — метал-гурт з жаночым гроўлам ад кволай вакалісткі асабліва ўражвае сваімі жывымі выступамі, таму дэбютны кліп каманды чакалі многія.
«Страх перад "Вялікім Братам" нараджаецца ўнутры, а не прыходзіць звонку», — тлумачаць музыкі сэнс кліпа.
Відэа было знятае без дапамогі прафесійных студый, гурт вырашыў сам прайсці шлях спробаў і памылак ды стварыць цалкам DIY прадукт з дапамогай сяброў і падручных сродкаў. Песня Room 101, на якую зняты відэакліп, звязаная з тым самым пакоем, што апісаны ў рамане Джоржа Оруэла «1984». Музыкі прапануюць сваю інтэрпрэтацыю.