Пятнічны вечар самыя адданыя фанаты беларускай рок-музыкі правялі ў сутарэннях Палаца Рэспублікі, а дакладней — у клубе «Цэнтр», дзе адбываўся чарговы «Бульбокс-LIVE». Вядомая музычная перадача вырашыла шукаць гледачоў шляхам арганізацыі канцэртаў, аднак спроба гэтая пакуль што не надта ўдалая. Здаецца ўсё ў іх ёсць: і гурты запрашаюць добрыя, і квіткі не надта дарагія, але наведвальнікаў, як сказалі бы беларусісты, з антонаву слязу. Аднак другі «Бульбокс-LIVE» набраў даволі вялікую колькасць слухачоў.

Берасцейскі панк-гурт прэзентуе сёння відэа з акустычнага канцэрту, што быў зняты у ангары па рамонце ровараў. 40-ка хвілінны відэаканцэрт з 10 песень з назовам «Велоакустика» рыхтаваўся тры месяцы. 

Падаецца, так нядаўна, яшчэ ў верасні берасцейскія панкі запальвалі на сцэне Re:Public, учора іх выступ быў не менш крутым і пякельным па энергетыцы. Чакаючы музыкаў (канцэрт пачаўся амаль на гадзіну пазней), фанаты заўзята спявалі іх песні. Рэдка такое можна сустрэць на выступах беларускіх зорак. Музыкі традыцыйна выйшлі з падарункамі. У публіку ляцелі бананы, паштоўкі, цукеркі ды цішотка з надпісам «Дай дарогу!». Дзве з паловай гадзіны натоўп разам з ягоным лідарам Юрам Стыльскім спяваў старыя хіты і амаль усе песні з апошняга альбома.

Гурт «Дай Дарогу!» сёньня можна сьмела назваць лідэрамі панк-рок руху ў Беларусі. Прайшло ўжо больш за 10 гадоў з таго моманту, калі ў сьвет выйшаў іх дэбютны альбом «Зарубило!», І хлопцы па гэты дзень без перапынку працягваюць рубіць якасны панк-рок, радуючы сваіх прыхільнікаў.

«Угар і трэш» — гэта калі ў двух словах аб канцэрце «Дай Дарогу!». Пэўна ніякі іншы беларускі калектыў цяпер не можа так разбухторыць спакойнае і стабільнае жыцьцё беларускай сталіцы. Такі ажыятаж выкліча хіба выступ Міхалка і кампаніі, але падобна, што «Ляпісаў» на Радзіме мы ўбачым ня хутка. Такім чынам, аб усім па парадку.

Культавы панк-рок гурт «Дай Дарогу!» прадставіў свой новы кліп на песьню «Температура». Кампазыцыя, якая была запісаная яшчэ ў 2003 годзе, цяпер суправаджаецца прасунутым відэашэрагам з трохмернай графікай ды інтымнымі сцэнамі.

У мінулую суботу менскі R-club падвергнуўся штурму з боку радыкальна-настроеных маладых людзей, частка зь якіх мела ярка-выяўленыя прыкметы панк-руху) А менавіта: рознакаляровыя іракезы на галовах ды касухі на заклёпках. Яшчэ б, у сталіцу завіталі музычныя хуліганы з Берасьця «Дай Дарогу»! Ці то Юра Стыльскі з хлопцамі ня песьцяць менскую публіку сваім зьяўленьнем, ці то сам горад-герой не адрозьніваецца гасьціннасьцю, аднак перад клюбам у гэты вечар сабралася рэкордная колькасьць народу. Па самых прыблізных ацэнках больш за тысячу. Праход у клюб нагадваў штурм Петраградзкага «Зімовага палацу» ў 1917 годзе. Частка фанатаў прабіраліся бліжэй да ўваходу верхам праз мэталічныя брамы. Ім бы яшчэ цяльняшкі і бесказыркі — дык хоць кіно здымай!)