Эўрапейскі гуманітарны ўнівэрсытэт стаў сябрам Міжнароднай асацыяцыі ўнівэрсытэтаў. Знамянальна, што сярод 150 яго сяброў ёсьць яшчэ адзін беларускі ўнівэрсытэт — БНТУ. Такім чынам рэктары двух гэтых паважаных ВНУ атрымалі магчымасьць перакрыжавацца на бліжэйшым форуме арганізацыі.

Студэнты-стыпэндыяты праграмы імя Каліноўскага зьвярнуліся ў Эўрапейскую асацыяцыю ўнівэрсытэтаў з просьбай спыніць сяброўства Гарадзенскага дзяржаўнага ўнівэрсытэта імя Янкі Купалы ў асацыяцыі.

Зьвяз нацыянальных студэнцкіх аб’яднаньняў Эўропы ESIB праз свае кантакты ў Эўрапарлямэнце зьвярнуўся да Эўрапейскай Камісіі. Так, у сьнежні дэпутат эўрапарлямэнту ад Швэцыі Ёонас Сйостэд накіраваў у Эўракамісію і Савет Эўропы адмысловы ліст. У ім уздымалася пытаньне, ці зьбіраюцца яны падтрымоўваць студэнтку і як будуць рэагаваць на сытуацыю, у якой апынулася Тацяна Хома.  

На пачатку лютага Benita Ferrero-Waldner (на фота) ад імя Эўракамісіі напісала адказ. У ім Камісія выказвае заклапочанасьць з прычыны парушэньняў правоў чалавека на Беларусі. І асабліва зьвяртае ўвагу на абмежаваньне правоў беларускіх студэнтаў. 

У адказ на прыпыненьне сяброўства Беларускага Дзяржаўнага Эканамічнага Унівэрсытэта ў ЭАУ рэктар Шымаў заявіў, што выключэньне Тацяны Хома – гэта толькі адзін з выпадкаў выключэньняў, зробленых за апошні год.

Рэктар Беларускага дзяржаўнага эканамічнага ўнівэрсытэту Ўладзімер Шымаў адмовіўся сустрэцца з дэлегацыяй паслоў Эўрапейскага Зьвязу, якія мелі намер абмеркаваць з рэктарам сытуацыю, што склалася вакол адлічэньня з ўнівэрсытэту студэнткі Тацяны Хома.

Cяброўства БДЭУ ў Эўрапейскай асацыяцыі ўнівэрсытэтаў будзе адноўленае толькі пасьля таго, як Тацяну Хому зноў залічаць у студэнты. Пра гэта Беларускай Свабодзе паведаміў дырэктар праграмаў разьвіцьця асацыяцыі Дэвід Кроўсэр. Прарэктар па навучальнай працы Беларускага дзяржаўнага эканамічнага ўнівэрсытэту Сяргей Шаўрук гаворыць, што іх унівэрсытэт ніколі не атрымліваў ад эўрапейскай асацыяцыі ніякіх матэрыяльных дабротаў, а толькі спраўна плаціў немалыя сумы штогадовых складак.

У зьвязку з рашэньнем рэктара БДЭУ У.М. Шымава выключыць Тацяну Хома, студэнтку 4 курса, за ўдзел у сустрэчы нацыянальных студэнцкіх зьвязаў Эўропы (ESIB) без дазволу ўнівэрсытэту, Эўрапейская асацыяцыя ўнівэрсытэтаў прыпыняе супрацоўніцтва з гэтым беларускім унівэрсытэтам і заклікае ўсіх сябраў асацыяцыі спыніць іх стасункі з БДЭУ.

Студэнтка 4 курса міжнародных эканамічных адносінаў БДЭУ Тацяна Хома выключаная з унівэрсытэта 24 лістапада загадам рэктара У.М. Шывама. Тацяна зьяўляецца адной зь лепшых студэнтак факультэта, ніколі ня мела заўвагаў з боку адміністрацыі ўстановы. 11 лістапада Тацяна Хома ў французскім горадзе Рэймс была абраная ў кіраўніцтва буйнейшай эўрапейскай студэнцкай арганізацыі “ESIB – Нацыянальныя студэнцкія аб’яднаньні Эўропы”. Тацяна стала першай асобай з Усходняй Эўропы, якая заняла такую пасаду. Прычынай выключэньня студэнткі-выдатніцы пазначаны факт яе “самавольнага выезду ў Францыю” і знаходжаньне там на працягу трох дзён у час навучаньня.

Эўрапейская Асацыяцыя Унівэрсытэтаў (EUA) падрыхтавала свой зварот ад імя ўнівэрсытэтаў да сустрэчы міністраў у Бэрліне, якая адбудзецца ў верасьні як частка бягучага Балоньскага працэсу. EUA была створана 31 сакавіка 2001 года і стала вынікам абьяднаньня CRE-Association of European Universities i Confederation of EU Rectors' Conferences.