Эўрапейская Асацыяцыя Унівэрсытэтаў (EUA) падрыхтавала свой зварот ад імя унівэрсытэтаў да сустрэчы міністраў у Бэрліне

Эўрапейская Асацыяцыя Унівэрсытэтаў (EUA) падрыхтавала свой зварот ад імя ўнівэрсытэтаў да сустрэчы міністраў у Бэрліне, якая адбудзецца ў верасьні як частка бягучага Балоньскага працэсу. EUA была створана 31 сакавіка 2001 года і стала вынікам абьяднаньня CRE-Association of European Universities i Confederation of EU Rectors' Conferences.

EUA зьяўляецца галоўнай арганізацыяй эўрапейскіх унівэрсытэтаў і нацыянальных аб'яднаньняў рэктараў. Місіяй EUA зьяўляецца прамоцыя партнэрскай сыстэмы вышэйшай адукайыі і дасьледваньняў у Эўропе, заснаванай на агульных каштоўнасьцях. У звароце сьцвярджаецца, што

“…неабходна, каб урады і ўсе астатнія ўдзельнікі адукацыйнай прасторы прызнавалі пашырэньне інстытуцыянальнай інавацыі і важны ўнёсак унівэрсытэтаў, а таксама павінны спрыяць стварэнню Эўрапейскай дасьледвальнай прасторы…”.

Чарнавы варыянт звароту быў распрацаваны пасьля 2 Канвэнцыі эўрапейскіх установаў вышэйшай адукацыі (Graz, 29-31 траўня 2003) і прынятая саветам EUA 4 ліпеня 2003 у горадзе Leuven.

Дэклярацыя ўсталёўвае дакладны плян дзеяньняў для наступнай фазы ў разьвіцьці агульнаэўрапейскіх адукацыйнай і дасьледчай прастораў. У гэтую асацыяцыю ў якасьці поўных індывідуяльных сябраў уваходзяць і два беларускіх унівэрсытэты – БДЭУ і БНТУ.