Эўрапейская асацыяцыя ўнівэрсытэтаў прыпыняе супрацоўніцтва зь Беларускім дзяржаўным эканамічным унівэрсытэтам

У зьвязку з рашэньнем рэктара БДЭУ У.М. Шымава выключыць Тацяну Хома, студэнтку 4 курса, за ўдзел у сустрэчы нацыянальных студэнцкіх зьвязаў Эўропы (ESIB) без дазволу ўнівэрсытэту, Эўрапейская асацыяцыя ўнівэрсытэтаў прыпыняе супрацоўніцтва з гэтым беларускім унівэрсытэтам і заклікае ўсіх сябраў асацыяцыі спыніць іх стасункі з БДЭУ.

25 лістапада, калі Тацяне Хома пагражала адлічэньне ў выніку яе актыўнасьці ў студэнцкім жыцьці на нацыянальным і эўрапейскім узроўнях, прэзыдэнт ЭАУ прафэсар Георг Вінклер ад імя сябраў ЭУА накіраваў ліст рэктару БДЭУ прафэсару Шымаву. У гэтым лісьце прафэсар Вінклер выказаў стаўленьне да сытуацыі, спасылаючыся на фундамэнтальныя каштоўнасьці і прынцыпы Асацыяцыі, створанай у 1988 Магна Карта Унівэрсытэтам. Гэтыя прынцыпы ўключаюць абавязак кожнага ўнівэрсытэту “гарантаваць студэнцкую свабоду”. Ня гледзячы на гэты ліст Тацяна Хома была выключана ў пятніцу 25 лістапада і адразу ж выселена зь інтэрнату, дзе яна жыла.

29 лістапада прафэсар Вінклер зноў напісаў прафэсару Шымаву, настойваючы на тым, што гэтае рашэньне павінна быць тэрмінова адмененае. А таксама заяўляючы, што ў выпадку, калі рашэньне не будзе скасавана,  ЭУА павінна будзе прыпыніць супрацоўніцтва з Беларускім Дзяржаўным Эканамічным унівэрсытэтам пакуль унівэрсытэт ня будзе здольны гарантаваць агульныя каштоўнасьці і прынцыпы Эўрапейскіх унівэрсытэтаў.

Прафэсар Шымаў не адказаў на гэтыя лісты. Замест гэтага была напісана заява на сайце БДЭУ, у якой пазначалася, што выключэньне Тані Хомы юрыдычна абгрунтаванае грубым парушэньнем ёю правілаў унівэрсытэту, і што рашэньне было прынятае “ў адпаведнасьці з нормамі заканадаўства Рэспублікі Беларусь у сфэры адукацыі”.  

Эўрапейская асацыяцыя ўнівэрсытэтаў заклікае ўсіх сваіх сябраў

"падтрымаць кампанію ESIB па аднаўленьні Тацяны Хомы ва ўнівэрсытэце і магчымасьці працягнуць заняткі і іншую дзейнасьць свабодна ад імя студэнтаў, без прыніжэньня".