Фэстываль беларускага фольку «Камяніца» ўжо ня першы год бярэ музэй у Строчыцах у аблогу. І кожным разам у музыкаў гэта атрымліваецца ўсё лепей. Сёлетняя дзея стала яскравым пацьверджаньнем гэтага: тысячы наведвальнікаў, добрая праграма і нават замежная зорка ў фінале аказаліся вельмі трапнай прапановай на выходныя.

Прахалодная восеньская субота вабіла музычных аматараў прапановамі — нячастых фольк-фэстаў у гэты дзень было ажно два: «Стары Ольса» клікаў у Гальшаны сьвяткаваць разам 10 год гурта, а «Джамбібум» заклікаў распачаць музычны кастрычнік экалягічным фэстам у Строчыцах. Наша кампанія таксама падзялілася — хто ў Гальшаны, а хто ў Строчыцы. Мы ж паехалі за «Джамбібумам», бо «выведка» данесла, што гэта ці не апошні канцэрт гурта.

Трэцяга кастрычніка «ДжамБіБум» разам са сваімі сябрамі ладзіць сумесны канцэрт у Строчыцах. «Музычны кастрычнік» пачнецца а 15-й гадзіне. Удзел возьмуць таксама гурты «Гаротніца», «Кумалёнтрэ» і тэатр агню «Elemental» — гэта «жывы» гук, фэерычнае шоў з агнём, выдатны настрой і «экалягічныя» сюрпрызы для публікі.

Шэсьць гадзінаў фольк-музыкі, танцы пад парасонамі, маляўнічыя краявіды, піва пад шыльдай «501 мэтар да сцэны» — усё гэта новы фольк-фэстываль «Камяніца», што прайшоў 12 верасьня пад Менскам у музэі народнай архітэктуры і побыту.

12 верасьня ў Музэі народнай архітэктуры і побыту пад Менскам упершыню адбудзецца фольк-фэст «Камяніца», у якім возьмуць  удзел гурты Kriwi, «Стары  Ольса», «Нагуаль», «Джамбібум», «Гаротніца» ды іншыя. Усе грошы ад фэсту пойдуць на рахункі музэю.

1 сакавіка беларусы шырока адзначалі сьвята масьленіцы. Нядзеля — апошні дзень мясапуснага тыдня перад пачаткам Вялікага Посту, сымбалічны адыход зімы і поўная надзей сустрэча вясны. У часы паганства людзі верылі, што ў гэты дзень бог зімы Зюзя саступае свае правы багіні вясны Лялі.

Па прыкладзе продкаў многія сучасныя беларусы не абмінулі такую падзею сваёй увагай. Ва ўсіх раёнах Менску, гарадзкіх парках і нават менскім заапарку па даўна знаёмым сцэнары былі арганізаваныя тыповыя народныя «гуляньні» з песьнямі, пляскамі, вулічнымі блінамі і аладкамі. А для тых, чыя душа прагнула роднай традыцыйнасьці, расчыніў свае шэра-драўляныя абдымкі Беларускі Дзяржаўны музэй народнай архітэктуры і побыту ў Строчыцах.

У музэі пад адкрытым небам ў Строчыцах першага сакавіка пройдзе сьвяткаваньне апошняга дня масьленіцы. Этна-шоў пад назвай «Масленіца з бабкай Параскай» адбываецца па звыклым сцэнары ўжо ня першы год. Сымбалічнае спальваньне пудзіла і праводзіны зімы — у фотарэпартажы з Масьленіцы 2008-га.