Сьпіс забароненых музыкаў, які дзейнічае ў Беларусі ўжо амаль год, чарговы раз нагадаў пра сябе месяц таму, калі было абвешчана аб адмене канцэрту «Крамбамбулі» Лявона Вольскага ў буйнейшым канцэртным клюбе Менску Re:public. Пры ўзьнікненьні першых праблемаў з уладамі адміністрацыя клюбу хутка «прыдумала» новы канцэрт замест забароненага, і прапанавала публіцы замену ў выглядзе Дзімы Ску, Yellow Brick Road, «Петли Пристрастия» і Akute. Гурты пакорліва адыгралі «даўна заплянаваны канцэрт», хаця драматызм імпрэзы зашкальваў.

Праз паўтары гады пасьля выхаду дэбютніка менскі гурт «Петля Пристрастия» прэзэнтуе 8 красавіка свой другі альбом. Спэцыяльны госьць падзеі — The Blackmail.

Выдатная пляцоўка ў 20 км ад Менску амаль без міліцыі і з адэкватнай аховай, насычаны лайн-ап зь цікавых беларускіх ды замежных гуртоў, дзьве ночы, некалькі сцэнаў і зонаў для адпачынку, бары і намётавы гарадок — такім мроіўся арганізатарам ды наведнікам першы міжнародны музычны фэстываль «Аксамітны сэзон». Міліцыі сапраўды было толькі адзін ці два патрулі, і ахова бала амаль незаўважная — падавалася, галоўная загана беларускіх фэстаў тут вырашаная на выдатна. Аднак у першы дзень другая сцэна так і не запрацавала, ежа не даехала, а ноч, холад і дождж напужалі патэнцыйных гледачоў. Падзея нагадвала хутчэй нясьпешны саўндчэк да міжнароднага фэстывалю.

Інтэрнэт-праект Experty.by зладзіў 14 траўня ў клюбе «Рэактар» музычны фэстываль з удзелам гуртоў The Toobes, «Петля Пристрастия», Port Mone і Nevma — лепшых дэбютаў мінулага году паводле беларускіх і замежных крытыкаў у межах штогадовай узнагароды сайту. Фотарэпартаж зь першага фэсту Experty.by — у фотаблогу Generation.by.

14 траўня ў клюбе «Рэактар» адбудзецца фэстываль «Experty.by», у межах якога ўпершыню на адной сцэне выступяць гурты The Toobes, «Петля Пристрастия», Port Mone і Nevma. Фэстываль зьяўляецца пэўным працягам аднайменных штогадовых узнагарод па галасах вядучых беларускіх і замежных крытыкаў, вынікі якіх былі абвешчаныя ў лютым. Яго мэта — прасоўваньне калектываў, якія выпусьцілі лепшыя дэбютныя альбомы па выніках мінулага году.

14 кастрычніка ў «Гудвіне» зайграе полацкі «Фляўс і Кляйн» – пераможцы Басовішча-2007, неаднарозовыя пераможцы Рок-кола, уладальнікі гран-пры маскоўскага фэстывалю «Ты призван быть первым» і проста яркі і самабытны гурт, які амаль з кожнага свайго выступу робіць пэрфоманс.