Служба Бясьпекі Ўкраіны (нашчадак савецкага КГБ) вывела ўсіх сваіх супрацоўнікаў з вышэйшых навучальных установаў. Адбылося гэта толькі цяпер — болей чым праз 4 гады пасьля «Аранжавай рэвалюцыі».

Два супрацоўнікі КГБ сёньня спрабавалі завэрбаваць студэнта першага курсу БДУІРА Паўла Ляшковіча, які навучаецца на факультэце «Інфармацыйныя тэхналёгіі». Падставай да «супрацоўніцтва» хлопцу, які не зьяўляецца актывістам палітычных арганізацыяў, было названае кола яго кантактаў у Сеціве і некалькі выездаў за мяжу. Павал распавёў Generation.bY падрабязнасьці свайго непрыемнага знаёмства.

Гомельскі студэнт, які зараз навучаецца ў Польшчы па праграме Каліноўскага, прызнаўся ўчора ў сваім блогу, што амаль год супрацоўнічаў зь беларускімі спэцслужбамі. Інтэрвію з Уладам Міхайлавым выйшла сёньня ў польскай газэце “Tygodnik powszechny”. 

Сёньня студэнтаў БНТУ, якія былі затрыманыя на плошчы Каліноўскага ў часе акцыяў 19-25 сакавіка, выклікалі ў рэктарат, дзе зь імі размаўляў старэйшы ўпаўнаважаны КДБ Сьвістун Дзьмітры Міхайлавіч. 

Сёньня каля 10 грамадзка-актыўных студэнтаў факультэта інфармацыйных тэхналёгіяў і робататэхнікі паасобку выклікалі ў адміністрацыю БНТУ, дзе прасілі падпісаць паперу аб тым, што кожны са студэнтаў пастаўлены ў вядомасьць і мусіць прыйсьці на сустрэчу ў рэктарат 21 красавіка ў 12:30. Пра зьмест размовы і суразмоўцаў у паперы нічога не пазначаецца. 

Артыкул tarki (на фота) пра сустрэчу студэнтаў, затрыманых у часе мірных акцыяў пратэсту ўвесну 2006 і асуджаных на суткі ў спэцпрыёмніку-разьмеркавальніку па вул. Акрэсьціна, з прадстаўнікамі МУС, якія наладзілі там ідэалягічную гадзіну. Да артыкула прыкладзены таксама малюнак з гэтай сустрэчы.

Студэнты БДЭУ, якія ня згодныя з загадам аб выключэньні адной зь лепшых студэнтак факультэта міжнародных эканамічных адносінаў Тацяны Хома, на працягу мінулых двух тыдняў зьбіралі подпісы ва ўнівэрсытэце ў падтрымку Тацяны. Калі подпісаў стала ўжо болей 500, студэнтаў пачалі выклікаць у дэканаты для правядзеньня тлумачальнай працы. Сяброў Тацяны Хома, якія жывуць у інтэрнаце БДЭУ №3, наведаў чалавек, які назваўся Уладзімерам Мікалаевічам. Гэты ж самы чалавек сустракаўся і з Тацянай ў дзень яе выключэньня 24 лістапада - яго цікавіла дзейнасьць ESIB, палітычная пазыцыя адносна Беларусі і іншае. 

Супрацоўнікі КГБ запрашаюць сябраў моладзевага руху "Лімон" працаўладкавацца па разьмеркаваньні да сябе.