У сакавіку-траўні пройдуць бясплатныя паказы польскіх, украінскіх і нямецкіх фільмаў у межах кінаклюбу «Кадр», арганізаваныя Інстытутам Гётэ, Культурніцка-інфармацыйным цэнтрам пры амбасадзе Ўкраіны і Польскім Інстытутам. У праграме заплянавана 5 стужак розных гадоў: ад 60-х і па сёньня, адзначаных прэстыжнымі ўзнагародамі.

Апошнім зімовым днём малады творчы харавы калектыў Concordia Chor гучна абвесьціў: «Будзе вясна!» Белую залю Дзяржаўнага Палаца культуры прафсаюзаў перапоўніў няхай яшчэ ня ўпэўнены, але доўгачаканы каляровы настрой цяпла. Праз гукі ўзьнёслай музыкі першымі, няўмелымі крокамі ступала ў сэрца вясна.

Фонд Робэрта Боша выдзяляе з 1 кастрычніка 2010-га 12 стыпэндый для мэнэджэраў у сфэры культуры з краін Сярэдняй, Усходняй і Паўднёва-Ўсходняй Эўропы для ўдзелу ў 13-месячнай праграме павышэньня кваліфікацыі ў галіне мэнэджмэнту ў сфэры культуры ў Германіі.

Будзе вясна! Менавіта такую назву абраў для свайго канцэрта Concordia Chor, які адбудзецца 28 лютага ў 19:00 у Белай залі Дзяржаўнага Палаца культуры прафсаюзаў.

Фота зроблена ў час начных здымак аднаго казачнага каляднага праекту, які рабіўся ў амаль сакрэтных умовах. 

У мінулую нядзелю, 14 чэрвеня, беларусы Масквы сабраліся ў клюб «Plan B» на «Беларускую вечарыну», арганізаваную Рэгіянальнай нацыянальна-культурнай аўтаноміяй «Беларусы Масквы» пры падтрымцы беларускай амбасады ў Расеі. На сцэне — сьцягі і песьні, у залі танцы і конкурсы, сярод гасьцей — Калдун. Як запальваюць беларусы ў Маскве — у фотарэпартажы.

На канец вясны прыпала яшчэ адна значная падзея ў культурніцкім жыцьці Менску. Непадалёк ад станцыі мэтро «Аўтазаводзкая» адкрываецца новая альтэрнатыўная канцэртная пляцоўка — клюб «Шакаляд». На першыя дні працы клюбу заплянаваныя канцэрты гуртоў Mauzer, SOK, The Toobes і многіх іншых.

Другі раз за ўсю гісторыю Вэнэцыянскай біенале беларускія мастакі прымуць у ёй удзел. З адной невялікай папраўкай: павільён адчыніцца не ў Вэнэцыі, а ў Менску.

Учорашнюю ноч Менск разам з ўсёй Эўропай правёў у музэях. Нацыянальны мастацкі паглынуў натоўп «начных» наведвальнікаў, якія вельмі пазытыўна ўспрынялі шматлікія інсталяцыі і пэрформансы, што занялі літаральна кожны мэтр музэйных пляцовак. На гадзінах было ўжо 22:30, а 50-мэтровая чарга «безквіткоўцаў» працягвала атакаваць прыступкі музэю.

Што ж робяць у музэях ноччу, і як да гэтага ставіцца дырэктар Пракапцоў, у рэпартажы Generation.bY.

Сёньня, 16 траўня па ўсёй Эўропе пройдзе акцыя ноч музэяў. Аб тым, што сёлета прапануюць музэі Менска, у аглядзе Generation.bY.