Сёлета «Выявы» пройдуць з удзелам болей 20-ці таленавітых творцаў, сярод якіх — маладыя пісьменьнікі, музыканты, мастакі, фатографы, дызайнэры, рэжысёры і іншыя прадстаўнікі сучаснай культуры. Імпрэза пройдзе ў залі Тэатру рускага рамансу.

У межах акцыі «Рыбны дзень» адбудзецца прэзэнтацыя новага нумара часопіса «Тэксты», прысьвечанага марской тэматыцы й краме «Рыба».

Літаратурна-музычная імпрэза «Францыя ў сэрцы Беларусі» запрашае 16 сакавіка 2009 года ў 18.00 у Дом Дружбы (вул. Захарава, 28, ст. м. Плошча Перамогі).

У праграме: творы сучасных беларускіх літаратараў, натхнёных Францыяй і францускай культурай, пераклады, францускі танец, францускія і беларускія песьні ў перакладзе, выстава беларускіх коміксаў і многае іншае.

6 сьнежня (субота) у Тэатры рускага рамансу (вул. Чыгуначная, д. 27, корп. 2) адбудзецца фэерычная прэзэнтацыя літаратурна-мастацкага праекта «Выявы-2008», якая прадставіць адразу некалькі кірункаў разьвіцьця найноўшай беларускай культуры: літаратурны, музычны і візуальны. Вас чакаюць выступленьні маладых паэтаў, якія будуць ня толькі чытаць вершы! Валярына КУСТАВА, Юлія НОВІК, Аксана СПРЫНЧАН, Віка ТРЭНАС пакажуць свае адмысловыя праграмы (вершы+слайды).