У новым відэароліку музыкі гурта Trubetskoy з дапамогай нейкага магічнага рытуалу (істотную ролю ў ім адыгрываюць сігары ды віскі) ажыўляюць мёртвую нявесту.

У сеціве адбылася прэм’ера новага відэа гурта Trubetskoy на песню «Завершается игра». Музыкі абвясцілі, што гэтым ролікам развітваюцца з эпохай і спадчынай «Ляпісаў».

Гурт Trubetskoy прэзентаваў у Інтэрнэце фільм «Trubetskoy. The Band». У ім патлумачана, чым гэты калектыў адрозніваецца ад «Ляпісаў», і дадзена слова музыкам, якія шмат гадоў з не размаўлялі з публікай і прэсай.

Гурт Trubetskoy прэзентаваў сваю першую беларускамоўную песню. Адбылося гэта падчас імправізаванага акустычнага выступу на курсах "Мова нанова".

Гурт Trubetskoy у лютым адыграе свае першыя канцэрты ў Беларусі, якія стануць пачаткам тура па краіне. У межах выступаў у Мінску (13.02), Гомелі (14.02) і Віцебску (21.02) прагучаць лепшыя песні «Ляпіса Трубяцкога», а таксама новыя кампазіцыі.

У пятніцу 13 лютага ў мінскім клубе Re:Public Еўрарадыё падвядзе музычныя вынікі і ўзнагародзіць лепшых музыкаў 2014 года.

Увечары нядзелі адначасова ў некалькіх сацыяльных акаўнтах новага праекта Сяргея Міхалка «Brutto» з'явіўся дзіўны пост пра гурт «Trubetskoy». У ім была змешчаная абразлівая крытыка новага сінгла «Ёлкі», які выпусцілі некалькі былых удзельнікаў «Ляпіса Трубяцкога».

Група Trubetskoy, у якую ўваходзяць экс-ўдзельнікі «Ляпіса Трубяцкога» Павел Булатнікаў (вакал), Руслан Уладыка (гітара), Аляксандр Старажук (ударныя), выпусціла свой першы афіцыйны рэліз – максі-сінгл «Ёлкі».

Гурт «Ляпіс Трубяцкой», як і было аб’яўлена ў сакавіку, сёння спыніў сваё існаванне. Але прадказальна такая вялікая каманда прафесіяналаў не сышла пакуль на пенсію. Чуткі пра два новыя праекты замест «Ляпісаў», якім споўнілася сёлета 24 гады, хадзілі ў музычным асяродку даўно. Сёння ў Сеціве з’явіліся сайты, песні і кліп аднаго з праектаў.