З украінцамі, немцамі і каровінымі кізякамі прайшло пятае «Вольнае паветра».

Заходнім суседзям з Польскага інстытуту ў Менску можна быць удзячным толькі за факт зьяўленьня на сцэне Re:public рэдкай госьці беларускай сталіцы і цяпер жыхаркі яшчэ больш заходняга за Варшаву Бэрліну Веранікі Кругловай. Нягледзячы на тое, што на паўсюдных афішах галоўнай разынкай гэтага вечару называўся польскі гурт Zakopower, Kriwi Кругловай усё гэтак жа цёпла і прыязна віталіся на сцэне, а іх песьні ўпэўнена падпяваліся даволі ўжо сталай публікай хуліганскага джаз-фольку.

Zakopower ствараюць музыку ўласнага, унікальнага стылю, які спалучае ў сабе фольк-мадэрн, world, поп- і рок-эстэтыку. Але галоўнае, што заваёўвае сэрцы тысяч прыхільнікаў – гэта харызма, эмацыйнасьць, энтузіязм, надзвычай глыбокія і захапляльныя гукі і тэксты. Менскі канцэрт польскага гурта пройдзе 24 лістапада з удзелам беларуска-нямецкага гурта «Kriwi».

Музыкі адразу трох беларускіх гуртоў аб’ядналіся дзеля невыпадковай сустрэчы ў межах праекту «TEA+ART — незвыЧАЙныя сустрэчы». Акрамя звычайных камунікацый і слуханьня музыкі на незвычайнай невыпадковай сустрэчы чакаецца далучэньне ўсіх ахвотных да ўдзелу ў стварэньні новага экспэрымэнтальнага музычнага праекту. Такім чынам, чакайце ў сераду сустрэчы з Настай Хмель з «Джамбібум», Ігарам Гарбачэўскім з KRIWI і Андрэем Мінковым з Morfe Acoustic Band.

Шэсьць гадзінаў фольк-музыкі, танцы пад парасонамі, маляўнічыя краявіды, піва пад шыльдай «501 мэтар да сцэны» — усё гэта новы фольк-фэстываль «Камяніца», што прайшоў 12 верасьня пад Менскам у музэі народнай архітэктуры і побыту.

12 верасьня ў Музэі народнай архітэктуры і побыту пад Менскам упершыню адбудзецца фольк-фэст «Камяніца», у якім возьмуць  удзел гурты Kriwi, «Стары  Ольса», «Нагуаль», «Джамбібум», «Гаротніца» ды іншыя. Усе грошы ад фэсту пойдуць на рахункі музэю.