Замацаваньне сыстэмы адукацыйных крэдытаў з улікам патрабаваньняў Балоньскай дэклярацыі прадугледжвае праграма разьвіцьця вышэйшай адукацыі Беларусі да 2015 году, што была прынятая ўрадам у пачатку месяца. Паводле плянаў Міністэрства адукацыі ўжо ў 2013 годзе беларускія студэнты будуць навучацца па эўрапейскай сыстэме крэдытаў, якая дазваляе самім выбіраць дадатковыя дысцыпліны, а таксама лягчэй пераводзіць беларускія дыплёмы ў «замежныя» стандарты.

Упершыню фінансавыя кампаніі Японіі дыфэрэнцыравалі стаўку адсотку па крэдыту ў залежнасьці ад інтэлектуальных здольнасьцяў ды прафесійных якасьцяў кліентаў. Зараз для разумных набываць у крэдыт стане таньней.

А. Лукашэнка падпісаў указ, згодна зь якім выпускнікам ВНУ, якія прыступілі да працы па разьмеркаваньні ў сельскагаспадарчых арганізацыях, на працягу двух гадоў пасьля заканчэньня навучаньня прадастаўлена права на атрыманьне льготных крэдытаў для набыцьця хатняй маёмасьці і тавараў першай неабходнасьці. 

Асацыяцыя расейскіх банкаў абвесьціла, што рыхтуе праект закона "Аб адукацыйных крэдытах", які мусіць зрабіць іх даступнымі для любога студэнта. Чакаецца, што пры гэтым банкі будуць пазычаць грошы маладым расейцам ня толькі на адукацыю, але і на пражываньне, харчаваньне, вопратку ды іншыя патрэбы.

З 1 верасьня гэтага года любы грамадзянін Беларусі можа атрымаць ільготны крэдыт дзеля аплаты першай вышэйшай адукацыі ў ВНУ дзяржаўнай уласнасьці на платнай аснове.

Дадзеная пастанова распаўсюджваецца на ўсіх абітурыентаў, што прайшлі уступныя іспыты, але не вытрымалі конкурса, і таму не залічаныя на навучаньне за кошт бюджэтных сродкаў.