У калгас за льготным крэдытам

А. Лукашэнка падпісаў указ, згодна зь якім выпускнікам ВНУ, якія прыступілі да працы па разьмеркаваньні ў сельскагаспадарчых арганізацыях, на працягу двух гадоў пасьля заканчэньня навучаньня прадастаўлена права на атрыманьне льготных крэдытаў для набыцьця хатняй маёмасьці і тавараў першай неабходнасьці. 

Згодна з указам №147 ад 27 сакавіка 2007 году, крэдыты выдаюцца “Беларусбанкам” да 5 гадоў у памеры да 15 бюджэтаў пражытковага мінімуму, які цяпер складае 170,5 тысяч рублёў. Указам прадугледжана кампэнсацыя стратаў банка, зьвязаных з крэдытаваньнем маладых спэцыялістаў, за кошт сродкаў рэспубліканскага бюджэту.