У Швэцыі расьсьледуюцца абставіны бойкі паміж дзьвюма супрацоўніцамі муніцыпальнай арганізацыі гораду Мотала. 40-гадовая швэдка паспрабавала задушыць калегу з-за таго, што ёй не падабаўся… парфум сваёй ахвяры.

21-гадовая дзяўчына, да якой перайшоў тытул Міс Англіі з-за ўдзелу ў бойцы папярэдняй уладальніцы гэтага званьня, адкладае камандзіроўку ў Аўганістан дзеля ўдзелу ў конкурсе Міс Сусьвет. Да таго ж самай прыгожай жыхарцы Англіі, якая вядомая сярод таварышаў па службе як «Баявая Барбі», дазволілі сысьці ў адпачынак, каб як сьлед падрыхтавацца да адказнага спаборніцтва.

500 бляндынак выйдуць на вуліцы Рыгі і падымуць настрой дэпрэсіўным латышам.

Асацыяцыя латвійскіх бляндынак заявіла пра намер падняць настрой нацыі ва ўмовах эканамічнага крызысу. Бляндынкі ўжо рыхтуюць у Рызе адмысловы парад, а таксама баль, на якім абяруць лепшую бляндынку-лідэрку і бляндынку-журналістку. 

У той час, як у Беларусі віруе мода на плястыкавыя пакеты, эўрапейскія, амэрыканскія й азіяцкія модніцы з глузду едуць ад жаданьня мець сумку з катэгарычным надпісам «Я не плястыкавы пакет». У сьвеце зараз модна быць экалягічна сьвядомым, а ўсяго за 15 даляраў можна дэманстраваць гэта на кожным кроку. Хаця, баваўняныя сумкі замест плястыку ўжо прасачыліся ў сталіцу – з боку Бабруйска.

Безумоўна, кожны чалавек мае сваю – непаўторную й запаведную – мару. Не проста жаданьне мае ці жыцьцёвую мэту – менавіта мару, у зьдзяйсьненьне якой усім навокал верыцца зь цяжкасьцю, але ж сам летуценьнік упэўнены: калі-небудзь ягоная мара стане рэальнасьцю. Хтосьці марыць пра ўсясьветны пацыфізм, хтосьці бачыць у снах экзатычныя берагі Міжземнага мора. А мая мара – гэта Birkin. Мая. Уласная. Непаўторная. Самая Лепшая ў Сьвеце Сумка.

Sony Ericsson выпусціла тэлефон, які пахне. Цяпер мабілку можна ня толькі пачуць, але і панюхаць.

На сусьветным піўным фэсьце Beertopia, які прайшоў у Нью-Йорку, прэзэнтаваны ўнікальны новы прадукт Champagne Lager, вядомы ў ЗША як Champagne Beer - сьветлае піва-шампанскае.