IT-кампаніі Беларусі сталі нечаканымі ахвярамі новай найцыянальнай сеціўнай цэнзуры. Пастанова аб блякіроўцы забароненых у Беларусі сайтаў, якая пачала дзейнічаць ад пятніцы і тычыцца найперш дзяржаўных арганізацый, выклікала хвалю публікацый у замежных мэдыях і прымусіла заходніх бізнэс-партнэраў задумацца: а ці варта надалей супрацоўнічаць зь беларускімі кампаніямі. 

Пасьля навагодніх сьвятаў у Беларусі пачнуць штрафаваць за адмову ад блякаваньня доступу да некаторых сайтаў. У сьпіс забароненых трапілі навінавыя рэсурсы «Хартыя’97» і «Беларускі партызан», а таксама ЖЖ-блог Яўгена Ліпковіча.

Праваабарончая арганізацыя Freedom House апублікавала даклад аб стане свабоды карыстаньня інтэрнэтам у 37 краінах сьвету ў апошнія два гады «Freedom on the Net 2011». Беларусь патрапіла ў лік 11 краінаў, у якіх карыстаньне інтэрнэтам несвабоднае. 

За жахлівымі падзеямі вечару 11 красавіка іншая важная навіна сышла ў цень, магчыма, самая істотная для беларускага Інтэрнэту з часу яго ўзьнікненьня. Упершыню афіцыйна беларускія ўлады прызналі, што распачалі блакіроўку двух навінавых сайтаў. Пакуль гаворыцца толькі пра два сайты і толькі ў дзяржаўных установах. Мы прааналізавалі практыку абмежаваньня доступу да «нязручных» сайтаў, што ўласьцівая для аўтарытарных рэжымаў па ўсім сьвеце, каб уявіць, куды за перайманьнем досьведу накіроўваюць сваіх «спэцыялістаў» беларускія hi-tech-цэнзары.

Індывідуальныя прадпрымальнікі і юрыдычныя асобы будуць плаціць штрафы ў выпадку парушэньня скандальнага ўказу № 60 аб Інтэрнэце. Адпаведны законапраект знаходзіцца ў палаце прадстаўнікоў.

Міністэрства адукацыі патрабуе ад усіх падначаленых арганізацый накласьці абмежаваньне на доступ да сайтаў, якія прызнаныя ў Беларусі забароненымі. Такі загад утрымлівае ліст, разасланы ва ўстановы адукацыі. Таксама мінадукацыі прапанавала дасылаць яму адрасы сайтаў, якія могуць падпадаць пад забарону.

Беларускі прэзыдэнт выказаўся адносна ўласнага ўказу, што ўводзіць абмежаваньні на карыстаньне Інтэрнэтам у Беларусі.

Ужо распрацаваны праект закону, які ўсталёўвае адказнасьць за парушэньне палажэньняў скандальнага ўказу прэзыдэнта № 60. Указ патрабуе ад беларускіх кампаній працаваць толькі з сайтамі, зарэгістраванымі ў Беларусі. У новым законапраекце, падрыхтаваным ААЦ, прадугледжваецца адміністратыўная адказнасьць за парушэньне ўказу.

«Крымінальны кодэкс» і «адказнасьць уладальнікаў сайтаў», — такія словы ўсё часьцей гучаць на дыскусіях, прысьвечаных беларускаму Інтэрнэту. Дзяржава з аднаго боку і бізнэс зь сеціўнай супольнасьцю зь іншага змагаюцца за права вызначаць, якім будзе беларускі Інтэрнэт у будучыні. Ня стаў выключэньнем і чарговы форум «Дзелавы інтэрнэт» — адно зь нешматлікіх месцаў, дзе лёс Байнэту могуць у адкрытую абмеркаваць яго галоўныя гульцы.