Паўтары сотні чалавек у залатых касьцюмах прайшліся ўначы па праспэкце Незалежнасьці ў Менску, каб сустрэць узыход сонца. Дзіўны натоўп з усьмешкамі пад харавыя песьні N.R.M. весела прайшоў па пустых і чыстых вуліцах гораду. Так знакаміты польскі мастак Павел Альтхамер, які славіцца пэрформансамі ў розных краінах сьвету, зладзіў у Менску арт-акцыю «Прамень сонца».

«Чаму я не магу проста паехаць у іншую кропку сьвету бязь візы?» — пытаецца вулічны мастак Symon. На днях ён зьдзейсьніў незвычайную акцыю: заматаў стужкамі прыпынак на вуліцы Саломенная насупраць амбасады Літвы ў Менску, каб прымусіць іншых людзей задумацца аб праблеме існаваньня візавых абмежаваньняў.

Даведаўшыся, што галоўныя акторы праекту — дзеці з псыхалягічнымі асаблівасьцямі, палова перапоўненай залі проста сышла. «Дарма», — піша наш чалавек на першым менскім фэстывалі экспэрымэнтальных тэатраў, што другі дзень разгараецца на падмостках сталіцы. Гэты дзень «Таго самага фэстывалю» прайшоў пад выбухі ўяўных гармат і сьлёзы расчуленых гледачоў.

У Менску адбываецца першы фэстываль экспэрымэнтальных тэатраў. Мы пабывалі на цырымоніі яго вар’яцкага адкрыцьця, цягам якой кожны ўдзельнік стаў часткай вялікага экспэрымэнту тэатралаў.

Учорашнюю ноч Менск разам з ўсёй Эўропай правёў у музэях. Нацыянальны мастацкі паглынуў натоўп «начных» наведвальнікаў, якія вельмі пазытыўна ўспрынялі шматлікія інсталяцыі і пэрформансы, што занялі літаральна кожны мэтр музэйных пляцовак. На гадзінах было ўжо 22:30, а 50-мэтровая чарга «безквіткоўцаў» працягвала атакаваць прыступкі музэю.

Што ж робяць у музэях ноччу, і як да гэтага ставіцца дырэктар Пракапцоў, у рэпартажы Generation.bY.