Група незалежных назіральнікаў распрацавала мабільную прыладу для зручнага збору інфармацыі ад выбарнікаў праз іх смартфоны. Аплет «Вочы» ў яскравай форме інфармуе пра выбарчыя правы і стварае мабільную платформу для перадачы інфармацыі пра парушэнні на выбарах незалежным назіральнікам.

Праект EOTP («Назіранне за выбарамі: тэорыя і практыка») запрашае неабыякавых беларускіх грамадзян стаць назіральнікамі на прэзідэнцкіх выбарах, якія пройдуць 11 кастрычніка.

Інтэрнэт-актывісты наладзілі прыгожую акцыю салідарнасці з Мікалаем Статкевічам. Generation.by выбраў некалькі асабліва заўважных і натхняльных здымкаў акцыі.

Пра тое, што ва Украіне вайна, ужо ніхто і не спрачаецца. Падзеі на ўсходзе краіны па тэлебачанні паказваюць з простым подпісам «Усходні фронт». Назіральнікі ідуць на выбарчыя ўчасткі ў бронекамізэльках, а на ўчастках будуюць сапраўдныя барыкады. І ўсё гэта на фоне абсалютна мірнага і нават заможнага Кіеву, ды як заўжды беднай правінцыі, накшталт ціхіх гарадкоў на мяжы з Беларуссю, куды Алесь Герасіменка трапіў у дзень выбараў прэзідэнта Украіны.

«Думаеш у цябе хата скраю, але хата скраю заўсёды гарыць першай». 

У Беларусі 23 сакавіка 2014 года адбудуцца выбары ў мясцовыя Саветы дэпутатаў. З гэтай нагоды праект «Назіранне за выбарамі: тэорыя і практыка» абвяшчае набор на трэнінгі па падрыхтоўцы незалежных назіральнікаў. 

На сайтах беларускіх універсітэтаў з’явіліся абвесткі аб падрыхтоўцы канферэнцыі «Павестка-2015». Канферэнцыя вылучаецца незвычайным складам арганізатараў, першым у шэрагу якіх стаіць Інфармацыйна-аналітычны цэнтр пры Адміністрацыі прэзідэнта, і мэтай, якая вельмі нагадвае падрыхтоўку перадвыбарчай праграмы да прэзідэнцкіх выбараў. Наступныя мусяць адбыцца ў 2015 годзе.

Так склалася, што Беларускі дзяржаўны ўніверсітэт культуры і мастацтваў ад часоў свайго заснавання не мае ніводнай уласнай сцэны, дзе студэнты, якія ў тым ліку рыхтуюцца і да працы ў тэатры, маглі б паказаць сваё майстэрства ці проста парэпетаваць. Cтудэнтка Факультэта традыцыйнай беларускай культуры і сучаснага мастацтва БДУКМ наважылася выправіць сітуацыю і звярнулася па публічную падтрымку да ўсіх неабыякавых. І ўжо дамаглася пэўнага поспеху.

Напярэдадні Новага году малады і вельмі сціплы на выгляд празаік Андрэй Пакроўскі наважыўся распавесці пра тое, як ён перастаў верыць у Дзеда Мароза. Яго дэбютная кніга складаецца з шэрагу апавяданняў, якія дыскрэдытуюць Дзеда Мароза, закранаюць тэму падваення асобы, ровара з сіськамі і іншых актуальных аспектаў будзённасці.

У штатах Каларада, Вашынгтон і Арэгон прайшлі рэферэндумы аб легалізацыі марыхуаны. Цяпер у гэтых рэгіёнах Злучаных Штатаў Амерыкі з’явіцца індустрыя вырошчвання і продажу марыхуаны для забаўляльных мэтаў. Акрамя гэтага, у трох штатах ЗША большасць выбарцаў прагаласавала за дазвол аднаполых шлюбаў.