Супольны праект «Танцы з Бубнам» прадстаўляе сабой калябарацыю культавага электроншчыка Ўлада Бубна зь беларускімі літаратарамі. Дэбютны міні-альбом быў названы проста і з густам «B-52» – па колькасьці літаратурна-музычных інгрыдыентаў, якія ўвайшлі ў яго склад і былі як сьлед зьміксаваныя «бармэнам». Галасамі «B-52» сталі Вольга Гапеева, Тацьцяна Беланогая і Байсан. Каштуйце!

Вечарыны супрацілегласьцяў «Інь і Янь», белага і чорнага, адбыліся ў музэі Максіма Багдановіча. Цягам двух вечароў у сяброўскай атмасфэры слухачы разважалі на філязофскія тэмы нашага жыцьця пад музыку маладых беларускіх бардаў і гуртоў.

Учора ва ўшчэнт запоўненай залі касьцёла сьв. Сымона і Алены прайшла сустрэча сівой даўніны і зялёнай сучаснасьці з нагоды прэзэнтацыі дыску на вершы Сяргея Новіка-Пяюна «Дні лятуць/Песьні з-за кратаў».