Тым часам як градус суму па заблукаўшай вясне толькі накаляецца, два сябры Рома і Ігар наадварот – радуюцца снегу, і зацяжную зіму перавялі сабе на карысць. У канцы лютага апантаныя сноўбордам хлопцы вырашылі дзяліцца сваім хобі і з іншымі, трэніруючы пачаткоўцаў асновам фрыстайлу. Пакуль за гарбату і шашлыкі, аднак назоў такое хобі атрымала амбітны – Акадэмія экстрыму. Generation.by выправіўся з першымі вучнямі на трэніроўку ў заснежаны парк на ўсходзе Менску. 

Нацыянальны мастацкі музей аб’явіў свой традыцыйны конкурс на лепшы ўваходны квіток, які праводзіцца ўжо ў сёмы раз.

Напярэдадні Новага году малады і вельмі сціплы на выгляд празаік Андрэй Пакроўскі наважыўся распавесці пра тое, як ён перастаў верыць у Дзеда Мароза. Яго дэбютная кніга складаецца з шэрагу апавяданняў, якія дыскрэдытуюць Дзеда Мароза, закранаюць тэму падваення асобы, ровара з сіськамі і іншых актуальных аспектаў будзённасці.

Хіпсцеры пачатку стагоддзя селі на ровары і адправіліся катацца па цэнтры сіці. Атрымалася падзея ў стылі Tweed Run — «цвідавая прагулка». Запачаткаваная тры гады таму ў Лондане традыцыя дабралася і да нашых даўготаў, вызваліўшы для аматараў усяго вінтажнага вялікі прастор для самарэалізацыі. Generation.by вырашыў не адставаць ад модных тэндэнцый канца сезону.

У менскім дзяржаўным Музеі сучаснага выяўленчага мастацтва стартаваў незвычайны праект «Рэтраспектыва» яшчэ менш трывіяльнай арт-групы «Беларускі клімат». Яе чальцы сцвярджаюць, што «Беларускі клімат» дзейнічаў ужо з 1987 году, а цяпер яны проста вяртаюцца.

Isfit — aдзін з буйнейшых студэнцкіх фестываляў у Еўропе адбудзецца 7-17 лютага 2013 у Трондхайме (Нарвегія). Да ўдзелу запрашаюцца студэнты ўзростам ад 18 год. Тэма кожнага фестывалю мае дачыненне да сацыяльных і палітычных рэаліяў у міжнародным кантэксце, і гэты год не стаў выключэннем — тэма Isfit-2013«Міжнародны гандаль».

Калі ў суботу вам на вочы патрапіліся людзі ў народных строях — можна было смела рабіць выснову, што яны рухаліся на фэстываль «Камянца». Гэтым днём ногі многіх ахвочых да этна- і фолк-музыкі прыводзілі да прыпынку «Малінаўка 6», з якога можна было маршрутнымі ці заказнымі бясплатнымі аўтобусамі дабрацца да музейнага комплексу «Строчыцы». Фэст адбываўся там ужо чацвёрты раз.

Кажуць, лепей гор могуць быць толькі горы. Праверыць, ці праўда гэта так, выправілася ў бліжэйшыя горы — Карпаты — наша авантурная вандроўніца Юля Фокс. Паехала як звычайна — аўтаспынам. Надыхалася горным паветрам так, што дагэтуль трызьніць узгадкамі пра горныя раніцы, скарэньне вяршыняў, тамтэйшых жыхароў з «горнаю» моваю. Прывезла нам гару здымкаў з казачнымі пэйзажамі з разьмеранага жыцьця ва ўкраінскіх Карпатах, а для тых хто «захварэе» падобнай вандроўкай — практычныя парады, як туды дабрацца.

Нарвэжцы a-ha другі і апошні раз прыехалі ў Менск. Гэтым разам у межах у туру, які называюць разьвітальным і што мусіць скончыцца празь месяц у Осла. У канцэртнай праграме былі ў асноўным найбольш вядомыя гіты гурту, дзякуючы якім ён стаў папулярным 25 гадоў таму: «Take on Me», «The Sun Always Shines on T.V.», «Hunting High and Low». Менская публіка, як высьветлілася, ведае іх на памяць.

Зыходныя дадзеныя: дзьве дзяўчынкі, шлях Менск — Крым, транспарт — цягнікі і аўтаспын, грошаў — мінімум, жаданьняў — максымум. Даехалі, паблукалі, выжылі, спусьцілі ўсе грошы на тамтэйшыя музэі. Тым, хто паедзе ўпершыню — карысныя парады, усім астатнім — атрымліваем асалоду ад цёплых здымкаў прыгодніцкай вандроўкі ўжо мінулага лета.