Міжнародны студэнцкі фэст у Трондхайме запрашае ўдзельнікаў

Isfit — aдзін з буйнейшых студэнцкіх фестываляў у Еўропе адбудзецца 7-17 лютага 2013 у Трондхайме (Нарвегія). Да ўдзелу запрашаюцца студэнты ўзростам ад 18 год. Тэма кожнага фестывалю мае дачыненне да сацыяльных і палітычных рэаліяў у міжнародным кантэксце, і гэты год не стаў выключэннем — тэма Isfit-2013«Міжнародны гандаль».

Фестываль штогод збірае каля 450 студэнтаў з усяго свету, якія прымаюць удзел у 17 розных майстар-класах і культурнай праграме фестывалю.

Кожны ўдзельнік можа абраць тры галоўныя тэмы ворк-шопаў.

Тэмы ворк-шопаў 2013 (поўны спіс глядзіце на сайце http://www.isfit.org/pages/61):

• сацыяльныя рухі;
• прыродныя рэсурсы;
• прадукты харчавання;
• палітычнае мастацтва;
• спажыўцы;
• брэндынг;
• сацыяльнае прадпрымальніцтва.

Удзельнікі фестывалю самастойна пакрываюць вытаткі на візу і падарожжа. Але калі ў вас няма грошай і ёсць вялікае жаданне ўдзельнічаць, ёсць магчымасць атрымаць фінансавую дапамогу ад арганізатараў праз анлайн заяўку на аплату дарогі ў два бакі, паведамляе Adukacyja.info.

З-за абмежаванасці грашовых выдаткаў арганізатары не могуць забяспечыць удзельнікаў візамі. Таму яны раяць шукаць альтэрнатыўныя шляхі фінансавання.

Запоўніць заяўку на падтрымку фінансавання дарогі можна тут http://www.isfit.org/participants/new

Крайні тэрмін падачы заяўкі 30.09.2012