Студэнтка Гарадзенскага ўнівэрсытэту, якую ўвесну асудзілі на 4 гады за набыцьцё наркотыкаў у выніку сьледчага экспэрымэнту, цяпер знаходзіцца дома. Пасьля перагляду справы, ёй зьмякчылі прысуд. Маці Маргарыты адзначыла, што ў вызваленьні дачкі найперш заслуга прэсы, сяброў і студэнтаў.

20-гадовую дзяўчыну асудзілі на чатыры гады зьняволеньня за пакупку марыхуаны вагой 0,28 грама. Больш за сто студэнтаў Гарадзенскага ліцэю і Гарадзенскага дзяржаўнага ўнівэрсытэту падпісаліся пад лістом з просьбай вызваліць Маргарыту Царан. Падпісанты звароту лічаць, што прысуд былой студэнтцы ўнівэрсытэту несправядлівы, а крымінальная справа супраць яе — вынік памылкі альбо правакацыі.