«Падчас мітынгу людзі казалі прамовы і спявалі песню Ляпіса Трубяцкога «Не быць скотам». Іранічна, што ўдзельнікі сапраўды былі агароджаныя як скаціна, бо вакол месца дэманстрацыі ў парку стаялі таксама краты», — апісвае свае ўражанні ад Дня Волі нямецкі студэнт Ян-Хентрык Вібэ.

Бел-чырвона-белы паветраны шар на пляцы Незалежнасьці, роварыст са сьцягам ля Траецкага, моладзевая кампанія ў сьвяточным антуражы на Кастрычніцкай — гэтыя ды іншыя пэрсанажы насялілі сёньня раніцай Менск. Мы прайшліся па сьлядох кансьпіратыўных мастакоў, каб адлюстраваць у фота настрой менскіх вуліцаў напярэдадні вечару 25 сакавіка. На Generation.by рэпартаж зь месца падзеяў.

Івонка Сурвіла з нагоды 90-х угодкаў з дня абвешчаньня Беларускай Народнай Рэспублікі зьвяртаецца да сучаснага пакаленьня беларусаў праз Generation.bY. Пазытыўны відэазварот у 33 сэкунды.

Самая масавая Агульнанацыянальная дыктоўка адбылася ў Менску 23 сакавіка: сотні людзей пісалі разам на Сядзібах БНФ і ТБМ, іншыя пісалі з роднымі і сябрамі дома. У гэты дзень вялікая колькасьць людзей узгадала словы Францішка Багушэвіча і прадэманстравала сваю пашану да беларускай мовы.­

Напісаньне ў абраны дзень агульнанацыянальнай дыктоўкі адпачатку плянавалася для людзей, якія ня могуць прыйсьці на шэсьце 25 сакавіка. Ідэя была сустрэтая зь вялікім інтарэсам з боку вялікай колькасьці людзей і перарасла ў перадсьвяточную падзею, надаўшы Дню Волі дадатковай сьвяточнасьці і ўрачыстасьці. Першая дыктоўка ўжо праведзеная, складзены расклад на нядзелю, 23 сакавіка. ­

Штраф 102 тысячы рублёў за віншавальную ўлётку — такое пакараньне вынесла адміністрацыйная камісія пры Наваполацкім гарвыканкаме сябру ЗБС Аляксею Трубкіну. Ён аштрафаваны за тое, што 25 сакавіка завітаў у кабінэт рэктара Полацкага дзяржаўнага ўнівэрсытэту З. Лазоўскага і ўручыў яму віншавальную ўлётку з нагоды Дня Волі.