Аргкамітэт першае агульнанацыянальнае дыктоўкі, што праводзілася ў Беларусі й па-за яе межамі ў гонар 90-годзьдзя абвяшчэньня Беларускай Народнай Рэспублікі абвясьціў пераможцамі ўсіх яе ўдзельнікаў і вылучыў тых, хто «паказаў самую высокую ступень пісьменнасьці».

Самая масавая Агульнанацыянальная дыктоўка адбылася ў Менску 23 сакавіка: сотні людзей пісалі разам на Сядзібах БНФ і ТБМ, іншыя пісалі з роднымі і сябрамі дома. У гэты дзень вялікая колькасьць людзей узгадала словы Францішка Багушэвіча і прадэманстравала сваю пашану да беларускай мовы.­