У працяг нашай новай рубрыкі «Дзёньнікі» Яўген Бузоўскі піша пра тое, як сьледам за падзеньнем радыёглушылак у беларускім радыёэфіры зьявіліся Madonna, Michael Jackson, Metallica, як Nirvana літаральна разрывала падлеткавыя сэрцы. І пра тое, калі мы пачуем па радыё новы гімн пакаленьня.

А вы памятаеце фотку зь дзіцёнкам і далярам пад вадой? У сярэдзіне 90-ых у Беларусі быў бум Nirvana, у кожнай клясе нават самых далёкіх вёсак знаходзіўся адзін, а то і некалькі фанатаў культавага гурту. У чорных цішотках і балахонах з надпісам Nirvana хадзілі 10-гадовыя дзеткі і 30-гадовыя дзядзькі. На большасьці зь іх былі адныя і тыя ж фоткі Курта Кабэйна, але ж самыя прасунутыя мелі майку з фоткай з вокладкі самага вядомага альбома Nirvana «Smells Like Teen Spirit».