Спачатку дызайнэр кнігі парэзаў фотаздымкі Андрэя, а па выхадзе кнігі навукоўца з Акадэміі мастацтваў назвала працу «катастрофай для звычайных этнографаў».

«Паганства» — фотавыстава Андрэя Лянкевіча — прэзэнтаваная ў менскай «Падземцы» ўчора. У лютым яна прадставіць Беларусь у Бэрліне, а ў «Падземцы» будзе жыць да 30 верасьня. Адкрывалася ж з дудой, вясковымі агуркамі, памідорамі ды самагонам. З натоўпам у цеснай залі: фота разглядаць нянадта зручна, затое Лянкевіч народу цікавы!

Фатограф Андрэй Лянкевіч аб’езьдзіў беларускія вёскі і мястэчкі, каб праз фота адлюстра­­ваць паганскія традыцыі і звычаі, якія дагэтуль існуюць у сучаснай Беларусі.