З 27 верасьня па 10 кастрычніка ў галерэі «Zнята» пройдзе незвычайная выстава фота-дызайнаў «Wonderland. Артыкулы Поля Цудаў». Гэта першае ўвасабленьне новага фотапраекту аўтарства Артура Вакарава. Праекта, паўсталага з творчага пераасэнсаваньня вядомай ждановіцкай барахолкі — «Поля Цудаў».

11 красавіка адбылося закрыцьцё выставы жывапісу і графікі Ігара Варашкевіча і Нікі Сандрос. Нечакана для іх саміх «Дэпрэсія і Арытмія: жывапіс і графіка жывых людзей» выклікала вялікі рэзананс. Выставаю вылазкі «жывых людзей» — насельнікаў livejournal — у рэальнае жыцьцё не абмяжуюцца. Ніка дзеліцца шалёнымі плянамі на будучыню, а Ігар — уражаньнямі ад выставы.­

Мастацкі талент легенды беларускага року раскрыўся зусім нядаўна. А малюнкі Нікі Сандрос радуюць вока віртуальных і рэальных сяброў ужо доўгі час. Абедзьве творчыя асобы жывуць па суседзтву — што і вылілася ў «Дэпрэсію і Арытмію: жывапіс і графіку жывых людзей». Ігар спадзяецца, што дэпрэсій больш ня будзе, а пра сёньняшняе надвор'е кажа: «Гэта не клімат, а клімакс». ­

Проста 8 сакавіка напачатку сьнежня — тры жанчыны ў адным месцы: акрамя Русі і Касі Пытлевай у канцэрце возьме ўдзел мастачка, якая малюе песьні — Ніка Сандрос.