Тысячы студэнтаў зноў адпраўляюць «на бульбу»
На збор ураджаю ужо з панядзелку адправяць болей за 16 тысячаў навучэнцаў Віцебскай і Гарадзенскай абласьцей. За месяц працы студэнтам абяцаюць заплаціць каля 30 даляраў. Зрэшты, і гэтыя грошы застаюцца пад пытаньнем.
Ёсьць меркаваньне, што сярэдні беларус зьядае штодзень амаль кіляграм бульбы. Фота jamespiatt.com
Ужо ў панядзелак 6 100 віцебскіх і 10 000 гарадзенскіх студэнтаў, навучэнцаў сярэдніх спэцыяльных устаноў і
Што цікава, «на бульбу» адпраўляюць нават платнікаў:
«450 чалавек у нас сёлета адпраўляецца: і платнікі, і бюджэтнікі — і тыя, і тыя паедуць. Да трэцяга курса ўсе студэнты. Мы здымаем цэлы курс, і цэлы курс едзе», — распавёў Эўрарадыё кіраўнік студэнцкага прафкаму Віцебскай дзяржаўнай акадэміі вэтэрынарнай мэдыцыны Ўладзімір Аўдачонак. Гэта ВНУ направіць на палі найбольшую колькасьць студэнтаў. У тры разы меней за віцебскую Акадэмію ў калгасы адправіць Гарадзенскі аграрны ўнівэрсытэт, піша «Гродненская правда».
Пазьбегнуць сельгаспрацаў студэнтам складана: «Уборка сельскагаспадарчай прадукцыі — справа патрэбная. А калі студэнт зь нейкіх прычынаў ня можа выехаць, то мы яго пакідаем на працу ўнутры Акадэміі… Тут патрэбныя працоўныя рукі», — кажуць віцебскія прафсаюзьнікі.
300 тысячаў у месяц
У Віцебскай вобласьці за тыдзень працаў студэнтам абяцаюць 100 тысячаў рублёў. Аднак навучэнцы, якія мелі вопыт такой працы ў мінулым годзе, кажуць, што нават гэтыя мізэрныя грошы атрымалі ня ўсе.
Зрэшты, як піша «Комсомольская правда», большасьць хлопцаў будуць займацца зусім ня бульбай:
«З бульбай цяпер у асноўным спраўляюцца бульбаўборачныя камбайны, а хлопцы будуць занятыя на ўборцы гародніны, карняплодаў, лёну», — кажуць у віцебскай Акадэміі.
Студэнтаў прымусяць працаваць на палях да кастрычніка.