Чарговая «доза» shortікаў у Менску абяцае быць як заўсёды дастаткова інтэрнацыянальнай і непрадказальнай па фарматах, стылях, кірунках і жанрах. Тузін фільмаў парадуе ня толькі моладзь і фэнаў InterFilmWostok, але й менскіх аматараў клясычнага й экспэрымэнтальнага кіно. 9–14 красавіка ў Доме Кіно — уся праграма як адзін гульнявы фільм.

Пачынаюцца кіна-дні краіны, чый кінематограф зараз адчынены ўсяму сьвету. Гэта лепшае новае нямецкае кіно. Усе фільмы — удзельнікі эксклюзіўных культавых паказаў і прызёры сусьветных кінафэстываляў. Усе сем фільмаў упершыню ў Беларусі, а некаторыя ўпершыню ва Ўсходняй Эўропе і СНД. Далей — кароткія апісаньні стужак. Забівайце час у нататніках.

З 3 па 9 красавіка ў менскім Доме кіно пройдзе паказ лепшых фільмаў з фэсту 2007-га году ў Бэрліне. Кожны вечар а 21.00 за адзін сэанс можна будзе паглядзець адразу 15 фільмаў з 12 краінаў сьвету.