4-7 верасьня: фЭст новага нямецкага кіно InterFilmWostok

­Упершыню ва Ўсходняй Эўропе і СНД

­Лірой. LEROY.

рэж.: Armin Voelckers, прыз Нямецкай КінаАкадэміі 2008
некарэктная гумарыстычна-музычная камэдыя // 85 хвл­­

…Лірою 17 год, ён чорны… зь Бэрліну. Калі ў Яго закахалася чароўная Ева, ён адчуваў сябе самым шчасьлівым, калі б не адна праблема: сямейка Евы настолькі «правая», што нават сваіх хвалістых папугайчыкаў яны назвалі імёнамі гітлераўскіх генералаў. Але Лірой так проста не здаецца! Афігенна палітычна-НЕкарэктная музычная камэдыя.

Паказы «Ліроя» пройдуць 4 і 6 верасьня ў 19:00.

Залатыя часы. GOLDENE ZEITEN.

рэж.: Peter Thorwarth
сатарычная глямурна-крымінальная нямецкая камэдыя а ля «pott fiction» // ­129 хвл­

… У маленькім гарадку Унна адбудзецца бэнэфіс, арганізатар Інга нават не здагадваецца, што ўсе проста выкарыстоўваюць Яго, зарабляючы шалёныя грошы: і ўладальнік клюба для гольфа, і «зорка» амэрыканскіх сэрыялаў, і бас наркамафіі. Поўны хаос, тачкі, клюбы, паці-лэдзі і нямецкі глямур.

Упершыню ў Беларусі прэм’еры

Холтрэйн. WHOLETRAIN.

р­эж. Florian Gaag
музычна-крэатыўны экшн // 85 хвл­

…Гісторыя групіроўкі: жыцьцё на мяжы, на мяжы легальнага і нелегальнага, у пастаянных уцёках ад паліцыі. Жыцьцё і тусоўка незалежных крэатыўшчыкаў, якія засвойваюць сучасную урбаністычную прастору crew of four «writers» — David, Tino, Elyas & Achim. Эксклюзіўна для фільма трэкі пісаліся: München, New York, Los Angeles, Philadelphia & Boston.

Паказы «Холтрэйна» пройдуць 4 і 6 верасьня ў 20:20.

Чатыры хвіліны. VIER MINUTEN.

рэж.: Chris Kraus, прыз Нямецкай КінаАкадэміі 2007
драма, музыка

…Шубэрт, Моцарт, Шапэн і банда забойцаў. Гэта — жыцьцё васьмідзесяцігадовай выкладчыцы гульні на фартэпіяна Труды Крюгэр. Старая жанчына ўжо шмат год дае ўрокі музыкі ў жаночай турме. Але ніколі яшчэ яна не сустракала такой зьняволенай, як Джэні — забойцы, якая гатовая разьнесьці ўсё вакол чыста дзеля ўласнага задавальненьня.

Белая Масаі. DIE WEISSE MASSAI.

рэж.: Hermine Huntgeburth
этна-фільм // 132 хвл

…Прыгожая гісторыя пра тое, як белая жанчына адмовілася ад усяго, каб падзяліць жыцьцё зь цемнаскурым воінам масаі ў Кенійскай пустэчы. Корын плянавала правезьці з мужам два тыдні на белых кенійскіх пляжах. Але калі яна сустрэла Лкецінгу, воіна-масаі ў традыцыйнай вопратцы, фрызуры, і самаробных упрыгожваньнях, яна прымае рашэньне кінуць мужа і назаўсёды застацца з Лкецінгам.

Паказы «Белай Масаі» пройдуць 5 і 7 верасьня ў 21:00.

Пацалуначак. KUSSKUSS — DEIN GLÜCK GEHÖRT MIR!

реж.: Soeren Senn
трагікамэдыя // 95 хвл

… Каця і Хандрык — трыццацігадовыя бэрлінскія інтэлектуалы, пара, якая ганарыцца сваім лібэралізмам і сацыяльнай адказнасьцю. Калі Каця сустракае Саіду, маладую альжырскую жанчыну, якую перасьледуюць на радзіме і якой пагражае дэпартацыя, у Каці зьяўляецца магчымасьць на практыцы праверыць свае лібэральныя ідэі. Яна наладжвае фіктыўны шлюб свайго сябра Хэндрыка з Саідай, каб тая змагла застацца ў Нямеччыне…

Паказы «Пацалуначка» пройдуць 4 і 6 верасьня ў 22:00.

Сьмяротная Марыя. DIE TOEDLICHE MARIA.

рэж.: Tom Tykwer
­псыха-трылер // 106 хвл­

…Жыцьцё 35-ці гадовай жанчыны, як існаваньне паміж побытавай руцінай, летуценьнямі і кашмарамі ў снах.

Паказы «Сьмяротнай Марыі» пройдуць 5 і 7 верасьня ў 19:00.