Швэйцарскі джаз-бэнд Albin Brun Alpin Ensemble і беларускія этна-дзяўчыны Akana нарэшце паказалі, што атрымалася ў выніку іх шматтыднёвай супольнай працы ў альпійскіх студыях. Дзеля гэтага, толькі адыграўшы сумесны тур па альпійскай канфэдэрацыі і запісаўшы альбом, дзяўчыны з Akana даставілі яшчэ «гарачанькіх» швэйцарскіх джазыстаў у Беларусь. І неадкладна зладзілі 5 выступаў на радзіме. Перадапошні адбыўся ў Менску ўчора.

25 лістапада ў Менску ў рамках канцэртнага тура па Беларусі адбудзецца выступ легендарнага швэйцарскага калектыву Albin Brun Alpin Ensemble і гурта Akana (Беларусь). Упершыню два музычных калектывы з настолькі рознымі «вытокамі» спрабуюць сумясьціць каранёвую музычную культуру альпійскіх народаў і старажытных, абрадавых беларускіх напеваў. Упершыню ў Беларусі тры культуры — альпійская, беларуская і джазавая сустрэнуцца ў яркім музычным дыялёгу.