Уздоўж Сьвіслачы напрыканцы 2008 верагодна можна будзе назіраць казачнае відовішча — чарада агенчыкаў, што плывуць па вечаровым горадзе… Сёньня стала вядома, што распачалося будаўніцтва роварнай трасы, а таксама стартавала акцыя флікерацыі раварыстаў «Калі сеў на ровар — не забудзься на камізэльку».­

У краіне з 20 жніўня распачалася бестэрміновая рэспубліканская акцыя ДАІ «Стань прыкметным у цемры». За невыкарыстаньне сьвятлоадбівальнікаў у цёмны час за першы дзень акцыі былі аштрафаваныя 95 чалавек. Тым часам, рыхтуецца новая сыстэма аўтаматызаванага кантролю аплаты праезду ў гарадзкім транспарце.