Сьвята вулічнай музыкі, прыдуманае чатыры гады таму ў Вільні, абрынулася на менчукоў у самы нечаканы час — сьвята гораду. У выніку звычайны для гэтай падзеі рэфлекс «зваліць куды падалей» замяніўся на жаданьне паглядзець, што там «нашы ўлады» «стырылі» ў літоўцаў у справе арганізацыі вулічных сьвятаў. Мы ж для чысьціні экспэрымэнту далучылі да справы непасрэднага відавочцу многіх віленскіх сьвятаў, выцягнуўшы былую жыхарку Вільні ў Траецкае.

Арганізатары Сьвята вулічнай музыкі патлумачылі, чаму Зьміцер Вайцюшкевіч і Аляксандр Кульлінковіч атрымалі адмову ў магчымасьці выступіць на імпрэзе, а таксама прыраўнялі палітыку да наркотыкаў і тэрарызму. Чакаецца, што на дзень гораду сьвята ў Траецкім прадмесьці прыцягне болей за паўсотні музыкаў самых розных стыляў і некалькі тысячаў гледачоў.

Сьвята вулічнай музыкі адбудзе ў Траецкім з 12:40 да 20:00. У лік выступоўцаў ня трапілі забароненыя ў Беларусі Аляксандр Кулінковіч і Зьміцер Вайцюшкевіч, якія «дзеля прыколу» падалі заяўкі на ўдзел.