Нядзеля 13 лютага. Народ знаходзіцца ў чаканьні Дня Сьвятога Валянціна. Нехта выдумвае, чым парадаваць каханага ці каханую, іншыя спрабуюць згладзіць праблемы ў стасунках, для кагосьці Сьвята ўсіх закаханых — нагода пазнаёміцца з новым чалавекам. Але жыхары Бардо ў сваёй сукупнасьці вырашылі надаць сьвяту алімпійскі характар.

Сёньня – сусьветны Дзень Пацалунка! Прыкладна два тыдні свайго жыцьця чалавек цалуецца. У тых, хто ня ведаў, яшчэ ёсьць час распачаць сьвяткаваньне і расьцягнуць гэты сьціплы тэрмін. Дзень Пацалунка прыдумалі брытанцы, а дваццаць год таму ён быў зацьверджаны Арганізацыяй Аб’яднаных Нацый. Сёньня ў шматлікіх гарадах ладзяцца конкурсы пацалункаў з прызамі і падарункамі.