Канечне, этнавандроўнік улетку дома не сядзіць. Добрыя кірункі для маршрутаў – у аглядзе летнікаў па розных аспектах традыцыйнай культуры Беларусі і суседзяў.

Валянтэры зь Беларусі й Польшчы цягам месяцу будуць жыць каля замку, які будуць рэстаўраваць. Гэта выдатны шанец пазнаёміцца зь гісторыяй і культурай Беларусі. У праекце заплянаваныя інтэграцыйныя заняткі і культурна-гістарычныя трэнінгі.

Вёска, намёты, супольная пабудова печкі, майстар-клясы па рамёствах ад удзельнікаў і майстроў — усё гэта ў межах міжнароднага моладзевага летніку ў вёсцы Дунаева напрыканцы ліпеня. Заяўкі прымаюцца ўжо зараз!

Берасьцейскае моладзевае аб’яднаньне «Дзедзіч» запрашае далучыцца да моладзевага летніку «Чароўны дом еўрапейскіх сустрэч». Берасьцейцы прапануюць не чакаць, пакуль Беларусь стане сапраўды эўрапейскай краінай, а пабудаваць у некалькіх кілямэтрах ад Польшчы сваю невялічкую «Эўропу». Працягласьць летніку — 10 дзён, пачатак — 25 ліпеня.