Беларусы працягваюць заяўляць аб сабе на міжнародных фотаконкурсах. На адным з найбольш вядомых зь іх адзначылася беларуская фотажурналістка Марына Бегункова. Яе здымак абраду зь Любаншчыны ўвайшоў у дзесятак лепшых фота ў намінацыі «Мастацтва і культура».

24-гадовы менскі фатограф Павал Церашкавец увайшоў у лік пераможцаў на конкурсе «Погляд на ўстойлівасьць» амэрыканскага часопісу National Geographic. Павал абышоў каля 3 тысячаў канкурэнтаў і стаў адным зь лепшых у катэгорыі «Выклікі».