TOL-блог далучыўся да моднай тэндынцыі і запусьціў стужку падкастаў. Днямі выйшаў ужо чацьверты выпуск. У выпуску можна пачуць экслюзіўную размову з Аляксандрам Мілінкевічам. Размова ідзе пра беларускую моладзь, праграму Каліноўскага і мясцовыя выбары. У спэцыяльным падкасьце слухайце пра тое, чаму экс-кандыдату не патрэбная ахова, хто паехаў вучыцца ў Польшчу і чым яны там займаюцца, чаму Аляксандар Мілінкевіч шкадуе моладзь БРСМ і ці варта ўдзельнічаць у выбарах, якіх няма.

У акцыі пратэсту на Кастрычніцкай плошчы сталіцы самы актыўны ўдзел бралі студэнты. Бальшыня пратэстоўцаў былі арыштаваныя, асуджаныя й цяпер адбываюць адміністрацыйнае зьняволеньне. Існуе рэальная пагроза: юнакі й дзяўчаты будуць выключаныя з ВНУ. У зьвязку з гэтым Аляксандр Мілінкевіч ад’яжджае ў Варшаву, каб падпісваць дамовы з рэктарамі шэрагу польскіх ВНУ наконт далейшага навучаньня беларускіх студэнтаў.

Аляксандра Мілінкевіча вельмі многія бачаць новым прэзыдэнтам Беларусі, ён ўжо сёньня стаў новым нацыянальным лідэрам. Выкладаем размову актыўных наведвальнікаў studenty.by з Аляксандрам Мілінкевічам. Сустрэча адбывалася 17 лістапада 2005 года (у Дзень Студэнта), але тыя пытаньні і адказы актуальныя й зараз. Размова была нефармальная, шчырая і вельмі цёплая.

Аляксандар Мілінкевіч, выпускнік фізыка-матэматычнага факультэту Гарадзенскага пэдагагічнга інстытуту, адзіны кандыдат ад дэмакратычных сілаў Беларусі, удзельнічае ў апытанцы studenty.by вядомых асобаў Беларусі аб сьвяткаваньні Новага году ў студэнцкія гады і плянах на адзначэньне Новага году 2006.