Ужо хутка ўсе кінатэатры Менску стануць лічбавымі. Але тое ніяк не паўплывае на асартымэнт кіно: для аўтарскіх стужак Кінавідэапракат знайшоў толькі невялікі пакойчык на 46 месцаў. Пры гэтым нават самыя бяскрыўдныя галівудзкія стужкі рызыкуюць быць непаказанымі проста з-за іх назову.

З разгарам фінансавага крызысу бяз новых фільмаў рызыкуе застацца менская публіка: за апошнія два месяцы колькасьць прэм’ераў у кінатэатрах скарацілася болей чым у тры разы. Ананімныя крыніцы кажуць пра недахоп валюты ў пракатчыкаў, апошнія тое адмаўляюць, спасылаючыся на «несэзон» для прэм’ераў.