Андрусь Такінданг — новы герой сэрыі інтэрвію Generation.by з аднагодкамі «Кім я стану, калі вырасту». Музыка, саліст гурта «Рэха», паэт, мастак і вядучы распавядае пра тое, як у дзяцінстве выплавіў кастэт з алавяных салдацікаў, марыў пайсьці ў дэсантнікі, пра тое кім стаў дзякуючы вёсцы і чаму часам небясьпечна, калі мары спраўджваюцца.

Пад вокам жалезнага Янкі Купалы галоўны афрабеларус краіны Андрусь Такінданг са сваёй камандай выконвалі новыя і старыя кампазыцыі, а таксама прызнаваліся, адкуль бяруць натхненьне.