30 Seconds To Mars у Мінску – апошнія 300 квіткоў у фан-зону

Арганізатары канцэрта 30 Seconds To Mars у Мінску абвясцілі пра з’яўленне ў продажы дадатковай партыі квіткоў у фан-зону. Амерыканскія рокеры выступяць на «Чыжоўка-Арэне» 4 красавіка 2015 з праграмай «Каханне + палкасць».

Квіткі на фан-зону скончыліся яшчэ некалькі тыдняў таму. Гэта катэгорыя заўжды з’яўляецца аб’ектам асаблівай зацікаўленасці для аматараў любога артыста, паколькі дае магчымасць знаходзіцца максімальна блізка да сцэны. У выпадку 30 Seconds To Mars яна карыстаецца дадатковым попытам яшчэ і таму, што лідэр гурта Джарэд Лета ўвесь час кантактуе і ўзаемадзейнічае з гледачамі фан-зоны, рэгулярна вытасківаючы адтуль паклоннікаў на сцэну. 

– 30 Seconds To Mars – гэта той рэдкі выпадак, калі топавы замежны артыст не адгароджваецца ад сваёй публікі, а радуецца канцэрту разам з ёй. Асабіста мне гэта вельмі імпануе. Гэта апошняя партыя квіткоў на фан-зону, больш мы не здолеем зрабіць з прычын бяспекі, – гаворыць Павел Багдановіч, дырэктар агенцыі "Концертхоллгрупп", арганізатара мерапрыемства. 

Амерыканскі рок-гурт 30 Seconds To Mars прыедзе ў Мінск у межах тура ў падтрымку альбома "Love Lust Faith + Dreams" (2013). Гэта будзе трэці па ліку візіт калектыва ў Беларусь. Абодва папярэдніх прайшлі з аншлагам – спачатку ў Палацы спорта, потым у "Мінск-Арэне". Нагадаем, гэта першы выпадак, калі канцэрт замежнага выканаўцы рэкламуецца на беларускай мове.