Стынг ператварыў «Мінск-Арэну» ў філярмонію
У поўнай залі спартыўнага комплексу «Мінск-Арэна» было па-тэатральнаму ўрачыста. Арэну густа ўсеялі шэрагамі крэслаў, ператварыўшы ў партэр. Шыкоўны гук, сьвятло, аркестар і па-джэнтэльмэнску сьціплы Стынг. Ад убачанага й пачутага менская публіка часам спазьнялася з аплядысмэнтамі, і моўчкі, нібы зьбянтэжана ад такой блізкай сустрэчы з кумірам, назірала за падзеямі на дынамічнай стылёва аздобленай сцэне.
Болей 10 тысячаў беларусаў наведалі канцэрт легендарнага Стынга ў «Мінск-Арэне» з Каралеўскім філярманічным аркестрам у межах сусьветнага туру Symphonicity.
Якасьць гуку, выкананьне, сьвятло, відэашэраг — такога ўзроўню канцэртаў Менск яшчэ ня бачыў. Дзея ў залі нагадвала сапраўдную тэатральную пастаноўку альбо мюзыкл — найперш дзякуючы сьвятлу і відэашэрагам. Сам Стынг трымаўся сьціпла і ўпэўнена, як і належыць брытанскаму джэнтэльмэну.
Многія сусьветна вядомыя гіты нават самыя адданыя прыхільнікі пазнавалі не адразу — з аркестрам пад кіраўніцтвам Стывэна Мэркурыо ўсё гучала інакш, але ня меней уражвальна. Таму часам аплядысмэнты спазьняліся, а публіка моўчкі, нібы зьбянтэжана ад такой блізкай сустрэчы з кумірам, назірала за падзеямі на дынамічнай стылёва аздобленай сцэне.
На трох вялікіх экранах дэманстраваліся падрыхтаваныя дзесяткам вядомых відэамастакоў (сярод іх і Мішэль Гондры, кліпмэйкер Radiohead і рэжысэр фільму «Вечнае зьзяньне чыстага розуму») ролікі. Большасьць кампазыцыяў на пару з героем вечару сваім аксамітавым голасам аздобіла прыгожая Джо Лоўры.
Канцэрт Стынга ў Менску быў
