Пікнік «Вайна і Мір» у закінутым дзіцячым лягеры: гульні ўдзень і музыка ўначы

3-га ліпеня пад Менскам, у закінутым дзіцячым лягеры ў Крыжоўцы, пройдзе пікнік пад назовам «Вайна і Мір». У праграме: гульні ад страйкболу да папяровых самалёцікаў, жывая музыка на ўсю ноч ад рэгі да гангста-джазу. Як дабрацца і што браць з сабой?

3-га ліпеня праграма «вайны» пачнецца аб 11.00 зь вялікай гульні ў страйкбол зь перапынкам на «буфэт», з 17.00 стартуе другая частка («мір») — гульні ў гарадкі, фрысьбі, футбол, папяровыя самалёцікі, арэлі, а з 22.00 і да 10.00 раніцы — канцэртная праграма і дыджэі.

У наборы: мяккія крэслы, кальяны, бар, візуальны шэраг, chill out, добры настрой, 70 мл «крамбамбулі» на ўваходзе.

У канцэрце прымуць удзел: «Адыс Абеба» (рэгі), «Джамбібум» (фольк), «Дядюшкин сон» (гангста-джаззз), April twins (груві бэнд), Alex De Bronhe (фільммэйкер, музыкант і аўдыёвізуальны прадусар), ManuF*CKture Junglists — джэм (даб, джангл, рагга, фанк, гіп-гоп), Rootshot (фанк), «Абшар» (індзі),  Tok Rukoo, Egor Kaway (easy listening), Dreamlin (lounge). У чылаўце — дыджэі.

Імпрэза пройдзе ў Крыжоўцы, што ў 15 км ад Менску. Дабрацца можна мікрааўтобусам ад ГЦ «Карона», электрычкай да станцыі «Крыжоўка», на аўто (хутка мусіць зьявіцца падрабязная мапа). Пры сабе пажадана мець: палатку, дыванок, спальнік; байку ці вятроўку, абутак на выпадак дажджу, сродак ад камароў, ліхтарык і абавязкова добры настрой:)

На Пікнік вядзецца папярэдні запіс! Па пошце picnic.voina.mir@gmail.com, па тэлефонах (29) 622-22-80, (29) 634-09-75. На страйкбол кантактаваць праз (29) 164-14-13. Квіток на мірную частку пікніка 30.000 (канцэрт, гульні, welcome drink). Квіток на «вайну і мір» - 131.000 (страйкбол, буфэт, канцэрт, гульні, транспарт).